MBEN ISRAEL IMBUT-MBUT NYEN 6:3 - ALLAH NIHYET MEM TUNGWATU NYA

³ lene ma no dima dut ba anggur ngei kin pes di ten di iba ba anggur ngat kin biei ngat nindigsi nya bibon au. Ma noni yem ba anggur ngat di ngun kin gi ngak cem au. Lene ma yem mun nyeng hagom di iba ba anggur ngat bibon,

MBEN ISRAEL IMBUT-MBUT NYEN 6:3 Iomraidhean Croise

IMAM NYA IDE MIDYAI 10:9

“Tirigi niabiati jidut ba anggur ngei kin mun ngei di pu yok bingwig leu su lene harin dima nani kin apmot bat nya jicoi ug ei Ditde Prak Meng nsi a. Gino jipigau nicukti dini lene mijimai hak ri. Suar ade nintun him yamti di bram yam nya cem yahagom ibit dicuk jeti dini kikau.

AMOS 2:11

Didimig jipmot bat nya ibou poi bidibindei ba, inok nabi nya. Didimig jide pinai pilei nya ibou poi bidibindei ba, inok nimpung Nazir cem. Je di mben Israel e, gini hagom igbit rin bi e? Da di tuhan disimbot dat tu.

AMOS 2:12

Noro jibidip huk nimpung Nazir bijibindei ba, idut ba anggur ngei bitunggwei sut gi preu di dipreu ei bit yok. Jicuon ser nabi nya leu binhyepo itri tut dihyet bi.

MBEN ISRAEL IMBUT-MBUT NYEN 6:4

kin mun nyeng hagom di ntun ba anggur him au. Bitut ba anggur ninjep kin ningkek cem lene ma yem au.

LUKAS 1:15

Noni miyai ninyeng di jei ei Allah niyai him. Ma noni dut ba anggur ngei kin mun di pu tungwatu nya au. Ninnei Gi Kwes misrek kwei ei ningonti nipou tirigi nipmem srek tut bigyo.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

TESALONIKA GI NIGOM 5:22

Lene ma jimbres jenti ei minu ting leu mun di kinei ninyeng hagom.

TIMOTIUS GI NIGOM 5:23

Ma adut minyei he au. Noro ma adut ba anggur ngei poi mien cem ser anghop di dut lewo anggwen-nggwen nyen.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

NIJAM NIKEI NYA 13:14

Ma noni dut ba anggur ningei kin pes au. Lene biyem njita di tungwatu nya ipigig ser cem au. Suar noni yai bit leu nok dipingok noti hagom.”

NIJAM NIKEI NYA 13:4

Noro hon kep ammani kui ma asok kep ser nanti lene ma adut ba anggur ningei kin pes au. Nok gima cem ma ayem njita di tungwatu nya ipigig ser au.