MBEN ISRAEL IMBUT-MBUT NYEN 4:5 - ALLAH NIHYET MEM TUNGWATU NYA

⁵ tuhan yai nicukti dini bak Musa. Gino njap dem mem gima jilet jide prak meng di johok nya lene suar Harun kin nipmot bat nya icoi ug ei tuhan De Prak Meng nsi ba, icug minyahas di ndok di ipindur ser Brua Gi Preu ningat leu api iba minyahas dima binggai kep Brua dima.

MBEN ISRAEL IMBUT-MBUT NYEN 4:5 Iomraidhean Croise

NIBOHON MBEN ISRAEL GI NIGOM 15:15

Tirigi ittei brua dima kwei lene iba ug can bikon ei inghat dip leu api ittei sut ba, ibibit leu tuhan nikos tutti di yai bak Musa nipou su.

NIBOHON MBEN ISRAEL GI NIGOM 23:26

Gima rino suar yo di intun Lewi him ittei tuhan De Prak Meng kin ndigban di joti nya hagom bimbut-mbut nyen tut bu bi.”

NIBOHON MBEN ISRAEL GI NICAN 3:14

Lene iba minghas linen kin minghas hiter di bon nisieng nidri kin nisieng nghei nta kin nisieng ningwoi bibon ban mbrawin di ndok nimeng gom lene iba kerub ningwes bimau.

NEHEI LEUSI 36:35

Lene igyai minyahas linen di dia-diau kei bu mem ban mbrawin ba, ibien mong wol nimmun kin nghei nta kin gi ningwoi eisi. Lene ibien kerub nya ingwes eisi bidis yam kikau ei nahacanti.

NEHEI LEUSI 40:3

Lene akon Brua Gi Preu bitut Nicukti Simnai di joti ba, akes eisi. Lene apindur ban mbrawin bijo ser Brua dima.

NEHEI LEUSI 40:5

Lene akon nimbar hum dok mem biei nggrai kwei ba, akes bijo ei Brua Gi Preu nibiho leu lene apindur ninghas gom kin bu bijo ser dimbou hui ei Prak Meng nsi.

YESAYA 25:7

Ei nungug dip dima Noni mibindei pren bumbuhui ningon nggukti di jun kep ngkiai nya kros.

IMAM NYA IDE MIDYAI 16:2

“Ma acuk akindig di Harun bipia coi ug ei Ninsi Di Kwes-Kwau di jo sinsun mbrawin nite dima kwei dem igbit tto bou di dipreu ei mem noni tu he. Lewo dindo Danti tug hon bumbuhui di nggai kep ser Da ei nai Brua Gi Preu nibeng dip ei sirima. Leu gino noni bit gi dicuk nati dini bi lene noni mimai drek dip.

MBEN ISRAEL IMBUT-MBUT NYEN 10:14

Bikwop mpe dino imbut lene injei bram yam bit leu nok nicukti tut nimpung nya. Nimpung tentara di igwam coi minyahas nibicom yam Yehuda nya ibie ngat. Ba, nimpung tentara hi njei leu lene hi njei bram bu lene nok. Nahason di Aminadab nipmot ne nibou di bie tut nimpung keret Yehuda ri.

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

MBEN ISRAEL IMBUT-MBUT NYEN 4:4

Yo dima ide midyai rino yahati tut ndigban di kwes-kwau nya.

MBEN ISRAEL IMBUT-MBUT NYEN 7:9

Noro Kehat nide bat nya igyai kroba nindig kin sapi leu Musa bi lewo suar yoni ikon ndigban di kwes-kwau di yahati tut nya ei inghat dip bimbut tut.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

NINDAT KEP TUHAN NICUKTI NYA 31:9

Lene Musa pas kep tuhan Allah de nicukti nya hagom ba, kes srat dima ei imam di intun Lewi him di inyeng tak kep Allah de Brua Gi Preu nya indati kin nibou mben Israel indati cem.

IBRANI 10:20

Noni tin puig jep di bie ug ei niyaijo nijepti mem nye leu binhyepo icoi njiriek ban mbrawin di tereu nok Nonti ningut.

IBRANI 9:3

Allah De Ninsi Di Kwes-Kwau jo nding ei ninsi gi nican ei ban mbrawin nite dima kwei.

SAMUEL GI NIGOM 6:19

Noro timiei Bet-Semes ibou ningot muhwindacan yuug ngig igyai kep mun di jo ei Brua Gi Preu dimati. Gima rino tuhan kes hukum nimai ei yahagom dip. Apino timiei Bet-Semes nya ingon ngguk tut hukum nindig bibor di tuhan bindei di cut igkep yok dima.