MBEN ISRAEL IMBUT-MBUT NYEN 27:3 - ALLAH NIHYET MEM TUNGWATU NYA

³ “Nyeni nicig mai ei iggum ndigsi lo, noni yai nipmot bat nya hi bi. Noni tti kin Korah di ham nimbuk kep tuhan pima bi noro mai drek dip nonti nide sisar.

MBEN ISRAEL IMBUT-MBUT NYEN 27:3 Iomraidhean Croise

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

MBEN ISRAEL IMBUT-MBUT NYEN 14:35

Dipai tug hon neheng bipia mun dini yok hagom micut igkep je di jimbuk bibor di jiyok jingon gom mem gima jihwen bit Da. Jahagom mijimai bijingwig ei iggum ndigsi dini. Da di tuhan disimbot dat tu.”

MBEN ISRAEL IMBUT-MBUT NYEN 16:19

Noro Korah nduk yo di itti kin noni yahagom ba, idem yam bigya kui dimbou ei tuhan De Prak Meng nuhui nipou su ba, iba yoho rok Musa kin Harun. Haninyai nipigati di nggai kep tuhan ningat piga mpia dima kros ba, Nide limwa nya yahagom ingat gima brei bou igyai him.

MBEN ISRAEL IMBUT-MBUT NYEN 16:49

Mpe dima ne yo di itug ndei nimai imangti ibou sribu simnaibrimigtai ba, sratus muhwindacan. Yo dini ter leu yo di itug ndei nimai drek dip Korah naham nimbuk kep tuhanti pima.

MBEN ISRAEL IMBUT-MBUT NYEN 26:33

Hefer nipmot Zelafehad yai nipmot bat nya hi bi noro yai nipmisop bat nya he. Ba, nipmisop bat dima yok inyeng rino Mahla kin Noa kin Hogla kin Milka kin Tirza.

MBEN ISRAEL IMBUT-MBUT NYEN 27:2

Misop ibou muhwi dini yuug ngat Musa kin Imam Eleazar kin nibou nya kin limwa nya yahagom di idem yam ei bigya kui dimbou ei Prak Meng tuhan De nuhuigya. Lene ipai biyok,

MBEN ISRAEL IMBUT-MBUT NYEN 27:4

Noro nggon rima ninyeng mipror leu daptar di mben Israel ide bat nya inyeng joti drek dip gi noni yai nipmot bat nya di intun noni him bi i? Ma akwas dihyei ninda rom hi tut nyeni cem ba, nima bou nyeni noyam kin Arig nide bat nindigsi nya.”

YOHANES 8:21

Yesus pai biyok hanyen “Dimbut ri. Mbro nok gino jinggok ser Da lo, mijimai ei jide sisarti. Bit bon jibit Da ug ei mpia ttou nsi dima kan bi.”

YOHANES 8:24

Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.