MBEN ISRAEL IMBUT-MBUT NYEN 21:7 - ALLAH NIHYET MEM TUNGWATU NYA

⁷ Lene ikwei ngat Musa bipai jit bipia Nibon sisar tirigi nisrep tut tuhan kin nani. Ma angat nadi leu binhyepo tuhan mijji wou piet dini yok leu nyeni nikieti. Gima rino Musa ngat nadi tindei yok.

MBEN ISRAEL IMBUT-MBUT NYEN 21:7 Iomraidhean Croise

NITRITI 20:17

Lene Abraham ngat nadi tindei yok apino Allah bindei ba, Abimelekh cem kei hanyen ba, bon nitnem kin nide awak sop nya cem yahagom inghop hanyen.

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

NIBOU NDIG NYA GI NICAN 13:4

Leu api Yoahas ngat nadi bak tuhan. tuhan ngat lo, mben Siria ide nibou ndig ba nisibut biborti bico kep mben Israel apino tuhan buhup Yoahas de nadi dima.

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 78:34

Bikwop mpe di Allah yai nimai bak ibou poi lene nindigsi nya inso yonti tut bingkwei hanyen ndam Noni.

NEHEI LEUSI 10:17

Ma jikos ser ditde sisar di dibon tunggwei sut je mbigom ngat ndini leu api jingat nadi bak tuhan di nok jide Allah leu binhyepo Noni miyai hukum di bindei nimai dini leu da.”

NEHEI LEUSI 32:11

Noro Musa hara bak tuhan di nok nide Allah bipai “tuhan e, nggon rino angon sibui sut Ade limwa nya bibor i? Lewo ateu yok bingwes ngun leu minu Mesir tug hon Ade nisindemti di nindig bibor tu.

NEHEI LEUSI 32:30

Njap di hyep bu lene Musa pai bak mben Israel “Jibon sisar nindig bibor tu noro nogindini midikui nungug dini hanyen ug ei tuhan Noho bei. Midibrim dingkek kep Noni leu binhyepo mpaba Noni mikos ser jide sisar.”

NEHEI LEUSI 8:28

Lene Firaun ce bipai “Nna ba, midice tut ba, juug ei iggum ndigsi leu binhyepo jibon midut dima bak tuhan di nok jide Allah. Noro ma jimbut ug ei minu ting au. Lene jingat nadi tindei da.”

NEHEI LEUSI 8:4

Ugwaham dima yok mipri bikui Firaun kin nide limwa nya kin yo di igya kui noni yahagom ingkek dip ug ri.”

NEHEI LEUSI 8:8

Lene Firaun jem Musa kin Harun kwei bipai biyok “Ma jingat nadi bak tuhan leu binhyepo Noni micok tut ugwaham dini yok hagom bingwig leu nye apino midisindui sut jide limwa nya bimbut. Leu binhyepo ibon midut nindig mindhe nya kep hum ei tuhan Noho bei.”

YESAYA 26:16

tuhan e, akes hukum ei nyeni dip lo, tirigi nitug hon ningkiemti lene nikiek hanyen ndam Nani ba, ningat nadi biNa.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 37:3

Zedekia pinak Yukhal di Selemya nipmot kin Imam Zefanya di Maaseya nipmot kwei ba, ibidip huk da leu binhyepo dingat nadi bak tuhan Allah tindei timiei Yehuda nya.

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

MBEN ISRAEL IMBUT-MBUT NYEN 11:2

Lene yoni yahara Musa leu binhyepo mpu yok. Gima rino noni ngat nadi bak tuhan. Lene hum dima kes hon biyem yok bu bi.

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

KISAH 8:24

Lene Simon hara Petrus kin Yohanes bipai “Ma jingat nadi bak Tuhan leu binhyepo mun di jipai kep dati dima hi cut igkep da bi.”

ROMA 10:1

He disut bat jen, dingon bisau sut gima dide bat mben Yahudi igyai niteu leu sisarti kin niyaijo nijep. Duhuk nadi bak Allah kikau mem yok.

NINDAT KEP TUHAN NICUKTI NYA 9:20

Mpe dima ne ningon sibui sut Harun cem ba, kos tut bipia mikes hukum nimai ei noni dip. Gima rino dingat nadi mem Harun cem.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

SAMUEL GI NIGOM 15:24

Lene Saul buhup “Jo nibreisi bipia dibon sisar tu. Dibit Allah nicuk dati kin ade nipingok dati nya bi. Dittin tut ditde limwa nya bidisindui sut yoni igyai mun bit leu ingon kanti.

SAMUEL GI NIGOM 15:30

Lene Saul buhup “Dibon sisar tu. Noro na di Andigpoi e, abit da ba, singkwei hanyen leu binhyepo dikuk da bak tuhan di nok ade Allah. Tug hon nisinati dima ne angon mpo tut da ei nibou mien nya kin mben Israel nindigsi igyai him bi.”