MBEN ISRAEL IMBUT-MBUT NYEN 19:9 - ALLAH NIHYET MEM TUNGWATU NYA

⁹ Leu api suar tungwagom di nipuig kwes ug kam sapi dima ningum keyam ba, kes ei mpia di kwes ei prak meng yati nisai. Noni mibet sapi dima ningum ei leu binhyepo limwa mben Israel iba ningum dima bitin ei minyei mem nibon midut nibiyai nikos ser sisarti.

MBEN ISRAEL IMBUT-MBUT NYEN 19:9 Iomraidhean Croise

IMAM NYA IDE MIDYAI 15:20

Mun di hagom di sop dima gwam dip ba, bong dip ei mpe di ningkek kan mun pima lene map kui mun dima yokti.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MBEN ISRAEL IMBUT-MBUT NYEN 19:13

Tungwa tou rino ngget nimai ngut lo, piap nonti bi lene map kui noni kikau lewo ba minyei midut biprok nonti bigyo. Tug hon nisinati dima lene noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 19:17

Suar yo dima yuug yai sapi niwek ningwoi po indig mem nibon midut nibiyai nikos ser sisarti pima ningum poi mien mem gima ibindei kwes yonti leu gi map di kui yokti pima. Leu api ikes sapi ningum dima poi mien ei yeng igtuyap gomti leu api yuhug minyei di itau kwei leu minyei bousi eisi.

MBEN ISRAEL IMBUT-MBUT NYEN 19:18

Gi nigom tut gino tungwa hi mai ei prak meng nsi lene suar hiter di nipuig kwes ug yai biei hisop pima nintam gom lene tur ei minyei dimati ba, bigimahap prak meng dima bitut mun nyeng hagom di joti kin tungwatu nya di ingat rin ei sirima cem. Gi nican tut gino tungwa hi ngget nimai ngut kin jui dip kin nimai njum nya lene suar hiter di nipuig kwes ba minyei bigimahap yok noyam kin gi pima cem.

MBEN ISRAEL IMBUT-MBUT NYEN 19:3

Ma jijem sapi dima kwei bijiyai bak Imam Eleazar. Lene jehei sut noni bijijem sapi dima ug ei prak meng yati nisai leu api jibui ei Eleazar noho bei.

MBEN ISRAEL IMBUT-MBUT NYEN 19:8

Suar no di ndig sapi kep hum dima ba minyei bitot nide sinsun bikek minyeiti cem. Noro map kui noni cemti kikau ug bipek mpia nicutti kep.

MBEN ISRAEL IMBUT-MBUT NYEN 6:12

Lene ma no dima dimig nonti pijum hanyen ei mem tuhan nok no di nggre kin nimpung nazir hanyen bu. Lene ikwop nijam nazir di njiriek leu su pima bu bi lewo map di kui noni bidip tut tu. Suar noni jem domba pmot ningut gom di nide njap dem ari bingwam gom tu mem nibon midut nibikum tuhan de ningwam.

MBEN ISRAEL IMBUT-MBUT NYEN 8:7

tug hon nisinati dini. Ma aba minyei bigimahap yoni mem nibon midut nibindei ningon kwes. Lene acuk yok ba, ikak ingkek dip titut yam bitot ide sinsun nya cem. Tug hon nisinati dima lene yoni mipwoi-pwau.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 9:13

Noro imam nya iba kambir kin sapi nikre inggrom kin atriem ndung di igyai leu midut sapi nehen pap ba, ibigimahap yo di map kui yoti nya. Imam igyaisi dima biciu ser map di kui yoti.