MBEN ISRAEL IMBUT-MBUT NYEN 19:3 - ALLAH NIHYET MEM TUNGWATU NYA

³ Ma jijem sapi dima kwei bijiyai bak Imam Eleazar. Lene jehei sut noni bijijem sapi dima ug ei prak meng yati nisai leu api jibui ei Eleazar noho bei.

MBEN ISRAEL IMBUT-MBUT NYEN 19:3 Iomraidhean Croise

IMAM NYA IDE MIDYAI 16:27

Lene ma imam nya ikon sapi nikre kin kambir po ibui mem nibon midut nibikos ser sisarti po Harun hek ninggrom bicoi ug ei Ninsi Di Kwes-Kwau mem gima piap sisar pima ingkek kin inghui kin inak hagom ug ei mben Israel ide prak meng yati nisai bindig hagom kep hum.

IMAM NYA IDE MIDYAI 24:14

“Ma abuwak no dima ug ei prak meng yati nisai lene suar bikwop yo di imiap nisigionti pima yahagom ikes inda ei no dima nibou nggram him dip nok bindo di bindo bipia no dima bon mun tunggwei su. Leu api suar limwa nya yahagom iba tig bihwen noni bimai hak.

IMAM NYA IDE MIDYAI 4:11

Noro ma noni kon sapi ninghui kin ningkek kin nibou kin nimig kin ninsi nindigsi nya kin ninak ba,

IMAM NYA IDE MIDYAI 4:12

ug sut ei mben Israel ide prak meng yati dima nisai bikes ei mpia ttou nsi gom di ipigig sut ei mem gima icom atriem ndung eisi ba, ndig hagom kep hum ei sirima.

IMAM NYA IDE MIDYAI 4:21

Lene ma noni kon sapi dima ninghui hagom buug sut ug ei mben Israel ide prak meng yati dima nisai bindig hagom kep hum bit leu nok niyai kepti tirigi po noni bui sapi mem nide sisar pima. Gini ne nisinati mem imam gom bon midut nibiyai nikos ser sisarti di mben Israel yahagom ibon kin gi ibisinggre bi ri.

MBEN ISRAEL IMBUT-MBUT NYEN 15:36

Lene limwa yahagom ikri no dima ninda ug ei prak meng yati nisai leu api iba tig bihwen noni kikau bimai bit leu tuhan nicuk yokti.”

MBEN ISRAEL IMBUT-MBUT NYEN 19:9

Leu api suar tungwagom di nipuig kwes ug kam sapi dima ningum keyam ba, kes ei mpia di kwes ei prak meng yati nisai. Noni mibet sapi dima ningum ei leu binhyepo limwa mben Israel iba ningum dima bitin ei minyei mem nibon midut nibiyai nikos ser sisarti.

MBEN ISRAEL IMBUT-MBUT NYEN 3:4

Noro Nadab kin Abihu itug ndei nimai ei iggum ndigsi Sinai tirigi po ittei hum di kwes-kwau bi bigya tut ei tuhan Noho bei pima. Yo cin dima ibon imunggwom bat nya hi bi. Gima rino Eleazar kin Itamar igyai midyai nok imam bit Harun mem nijam di icig no niyaisi jo yo.

MBEN ISRAEL IMBUT-MBUT NYEN 5:2

“Ayai nicukti dini bak mben Israel. Suar yoni ibindei hei yo di icut ei nikineiti tug hon bras mbrei di yem yok kin ninggwen nikei bisi kin ningget nimai ngut cem yahagom leu ide prak meng yati.