MBEN ISRAEL IMBUT-MBUT NYEN 18:3 - ALLAH NIHYET MEM TUNGWATU NYA

³ Suar keret Lewi yuusap nani tut midyai ba, igyai ibou tut midyai di inyeng joti nya ei Ditde De Prak Meng nsi. Noro harin dima idideu nimbar hum dok ba, ingget ndigban di kwes-kwau ei Ninsi di Kwes cem a. Gino itunggwei sut nicukti dima lene yoni kin nani cem mijitug ndei hukum nimai hak ug.

MBEN ISRAEL IMBUT-MBUT NYEN 18:3 Iomraidhean Croise

YEHEZKIEL 44:13

Ma igyai midyai nok imam mem Dani ba, ingget Ditde mun di kwes-kwau cem icoi ug ei Mpia Di Kwes-Kwau cem au. Gima ne hukum di dikes ei yok dip drek dip ide nibon munti di bindei bidiyai ttin ser nya pima ri.

MBEN ISRAEL IMBUT-MBUT NYEN 1:51

Gino jipri leu mpia ttou nsi gom lene suar pinai di intun keret Lewi him dima rima ilet Ditde Prak Meng. Leu api bikwop mpe di juug hok prak meng hanyen ei mpia ttou nsi gi nijep bu lene yoni rima yohok hanyen a. Ter leu yoni lene tungwa tou rino dideu Prak Meng dima lene mitug ndei hukum nimai drek dip.

MBEN ISRAEL IMBUT-MBUT NYEN 1:53

Noro suar yo di intun keret Lewi him yohok ide prak meng bikrop ttai Ditde Prak Meng dima. Lene igya ser leu binhyepo tungwa hi dideu bi. Leu gi nok lene gima mibindei ba, digga yok bidikes hukum ei mben Israel dip.”

MBEN ISRAEL IMBUT-MBUT NYEN 16:40

Gima ne ngkimom-tembaga nibiyok ngon kep di bisok kep mben Israel ri. Yo di intun Harun him yongkom dem mem gima indig biei nggrai di ui-gwang kei mem tuhan lene hiter dem mem gima bi. Tungwa di njiriek nicukti dima lene misar noyam kin Korah kin yo di itti kin noni. Lene mben Israel ibit leu nok tuhan nicuk Eleazarti tug hon Musa.

MBEN ISRAEL IMBUT-MBUT NYEN 18:4

Suar igyai ibou tut midyai di inyeng joti nya ei Ditde Prak Meng nsi ba, yahati tut nani. Noro ma asindui sut ba, yo di idem mem gima igyai midyai dima bi nya igyai midyai bit nani au.

MBEN ISRAEL IMBUT-MBUT NYEN 18:7

Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

MBEN ISRAEL IMBUT-MBUT NYEN 3:25

Gerson nya inyohou dimig minyahas mem tuhan De Prak Meng di jo bei ninsi kin minyahas di ibinggai kep kin minyahas di ipindur ser dimbou tausi ei Ninsi Di Kwes,

MBEN ISRAEL IMBUT-MBUT NYEN 3:31

Kehat nya inyohou dimig Brua Gi Preu kin meja kin mini njeng nidihim kin nimbar nya kin mun di imam nya ibiyai midyai ei Ninsi Di Kwes nya kin minyahas di bikkin Ninsi Di Kwes nya. Yoni yahati tut midyai di bitut ndigban dima yok hagom.

MBEN ISRAEL IMBUT-MBUT NYEN 3:36

Merari nya inyohou dimig tuhan De Prak Meng ninggilai bitut biei njiti nya kin cou nya kin cou nitriti di iprion mem nya kin nimbumbati nya hagom. Yoni yahati tut midyai di bitut ndigban dima yok hagom.

MBEN ISRAEL IMBUT-MBUT NYEN 31:30

Tut mun di limwa mben Israel nindigsi nya ima bou yok pima lene suar jikwas tungwagom leu ibou ningot muhwi di tentara ikat yok kwei bitut sapi nya kin keledai nya kin domba nya kin kambir nya tut Lewi nya di yahati tut Ditde Prak Meng.”

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.