MBEN ISRAEL IMBUT-MBUT NYEN 15:9 - ALLAH NIHYET MEM TUNGWATU NYA

⁹ lene suar no dima ttei tepun kilo ningai di ba mini zaitun liter can bisrigsi kwei mem nibon midut njita nibipai sigyo bak Allahti,

MBEN ISRAEL IMBUT-MBUT NYEN 15:9 Iomraidhean Croise

NIBOHON MBEN ISRAEL GI NIGOM 21:23

Noro Arauna buhup bak “Nok bi! Na Di Anyeng Jei ayai dihyei dini hak ba, abon mun di Na Di Anyeng Jei akan tut bipia kei mem nye eisi hak ug. Disindui sut sapi dini yok cem mem nibon midut nindig mindhe titut kep humti. Lene ma Na Di Anyeng Jei ayai biei sra di dibikinding mem gandum di dico kep eisi dini nok biei hum a. Lene abiyai gandum cem mem nibon midut njita nibipai sigyo bak Allahti cem. Dikwas mun dima yok hagom mikuisi tut Na Di Andigpoi hak ug. Ma akou kep da au.”

NEHEMIA 10:33

Minitin ei mun di imam nya isuar mem ibibon njap nibon midut nya ei tuhan De Ig. Mun dima yok ne roti di idis ei tuhan Noho bei kin njita mem nibon midut nibipai sigyo bak Allahti di indig ei nimbar hum dokti bak Noni bikwop njap-njap kin mun di isuar mem midut di ibon kep Njap Nigwam Kep Ninghuisi kin midut di ibon kep Bed Jep kin midut nindigsi nya kin mindhe-ndhe di indig ei nimbar hum dokti mem midut nibiyai nikos ser sisarti cem rin ba, nirop ninda ndigsi ne mun nyeng di isuar mem tuhan De Ig hagom.

YEHEZKIEL 42:13

Lene no dima pai bida, “Ig cin dima kwes-kwau. Imam nya di igya ei tuhan Noho bei he rima icoi ug eisi bigyem kep mindhe di ibui ninghui di kwes bindig ei nimbar hum dokti bak tuhan. Ba, ikes mun di ibibon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti hagom bak tuhan di kwes-kwau nya ei sirima.

YEHEZKIEL 46:11

Bikwop njap di ibon pesta kin njap ndig nya lene suar ikwas gandum dem liter simnaimuhwidip brimigtehican biniken ba, ibikrau kin sapi nikre ningut gom-gom kin domba nikre ningut gom-gom. Lene suar ikwas gandum nimangti bit leu ingon kanti mem ibikrau kin domba pmot mem midut dima. Suar ikwas mini zaitun ningei dem liter ningai bibikrau kin bikwop gandum nibibon midut dima.

YEHEZKIEL 46:15

Suar ibon midut nindig domba pmot ningut gom titut kep humti kin midut gandum bitut mini zaitun cem bikwop njap tekti hagom bak tuhan.”

YEHEZKIEL 46:5

Suar noni pwoi gandum nimangti dem liter simnaimuhwidip brimigtehican biniken kwei ba, bikrau domba nikre mem midut dima bikwas gandum nimangti bit leu ningon kanti mem gima bikrau domba pmot pima yok gom-gom mem midut dima cem. Suar noni kwas mini zaitun ningei dem liter ningai mem bibikwop midut njita nibipai sigyo bak Allahti.

YEHEZKIEL 46:7

Suar noni pwoi gandum nimangti dem liter simnaimuhwidip brimigtehican biniken kwei ba, bikrau sapi nikre kin kambir nikre mem midut dima bikwas gandum nimangti bit leu ningon kanti mem bikrau kin domba pmot pima yok gom-gom mem midut dima cem. Suar noni kwas mini zaitun ningei dem liter ningai mem bibikwop midut njita nibipai sigyo bak Allahti.

YOEL 1:9

Gandum ningat kin ba anggur ngei ngwig leu midut nya di ibon ei tuhan De Ig tu. Gima rino imam nya di iba ingon gom bibon midut nya bak tuhan yahagom ingon ngguk tut.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

IMAM NYA IDE MIDYAI 14:10

Lene ma noni jem domba pmot nikre ningut can kin niwek ningut gom di ide njap ug ei ari bingwam gom ba, bok-ba bi kwei ba, ttei tepun di mini zaitun srigsi kilo ningai kin mini zaitun ningei liter niken kwei mem njap gi nimuhwindaningai.

IMAM NYA IDE MIDYAI 6:14

Gini ne nicukti tut nibon midut njita nibipai sigyo bak Allahti mem tuhan. Suar no di ntun Harun him kon njita dima kwei ei nimbar hum dok nuhui.

IMAM NYA IDE MIDYAI 7:37

Ayat pini yok ne nicukti mem nibon midut nindig mindhe titut kep hum kin nibon midut njita nibipai sigyo bak Allahti kin nibon midut nibiyai gi kos ser sisarti kin nibon midut nikum Allah de ningwam kin nibon midut nita imam nijep nya kin nibon midut nibiyai ningon kwes kin Allahti ri.

MBEN ISRAEL IMBUT-MBUT NYEN 15:10

bitut ba anggur ngei liter can cem. Lene mikwau di jindig dima ngge kei bipwoi tuhan ningona.

MBEN ISRAEL IMBUT-MBUT NYEN 15:8

Gino mindhe pima ne sapi nikre mem nibon midut nindig mindhe titut kep hum kin nibon midut nibigo gau nipreu mun ei mem Allah kin nibon midut nibiyai ningon kwes kin tuhan cem rin,

MBEN ISRAEL IMBUT-MBUT NYEN 28:12

Lene suar ittei tepun di iba mini zaitun bisrigsi mem nibon midut njita nibipai sigyo bak Allahti. Tepun kilo ningai mem bikwop sapi nikre ningut gom-gom lene tepun kilo can mem domba nikre,

MBEN ISRAEL IMBUT-MBUT NYEN 28:14

Suar ittei ba anggur ngei mem nibon midut niprok nimbar hum dokti tirigi ibon midut nindig mindhe titut kep humti. Nimangti nok gini. Liter can mem bikwop sapi nikre ningut gom-gom lene liter gom biniken mem domba nikre lene liter gom ngat mem bikwop domba pmot ningut gom-gom. Gima ne nicukti tut nibon midut nindig mindhe titut kep humti ei njap ngon bou gi nigom bikwop bed mem ari bingwam hagom ri.

MBEN ISRAEL IMBUT-MBUT NYEN 29:6

Lene midut dima mikum ei nibon midut nindig mindhe titut kep humti mem njap ngon bou gi nigom ba, bed gi nigom bitut nibon midut njita nibipai sigyo bak Allahti di ibon bikwop njap-njap kin nibon midut nindig mindhe titut kep humti bitut nibon midut njita nibipai sigyo bak Allahti kin nibon midut ba anggur ngei pima di ibon bikwop njap-njap cem. tuhan mijoi sut ninghap di ngge kei dima.

SAMUEL GI NIGOM 1:24

Niabiati tirigi Samuel kes do leu ba, dut bu bi lene nipmem usap noni ug ei tuhan De Prak Meng nsi ei Silo. Yoni ijem sapi di nide njap ug ei ari bingwam ningai ningut gom ba, ipwoi tepun kron gom kin ba anggur ningei naham nindig gom cem bimbut tut.