MBEN ISRAEL IMBUT-MBUT NYEN 12:2 - ALLAH NIHYET MEM TUNGWATU NYA

² Lewo yahacem inso-nso nyen bipai “tuhan sok nihyet ei Musa nongkom dip bak mben Israel e? Noni sok nihyet ei nyeni dip cem mem yok bi e?” Lene mun di ipai dima tibim ug ei tuhan nitingou nsi.

MBEN ISRAEL IMBUT-MBUT NYEN 12:2 Iomraidhean Croise

NITRITI 29:33

Jei bi lene noni tta buhun hanyen bu bigwam tut nipmot hi kin bu. Lene noni kan “tuhan yai sipmot dini bisa lewo kan tut bipia sijjep ningon ngakei sa bi. Gima rino noni jem nipmot ninyeng Simeon.”

SAMUEL GI NICAN 11:27

Nijam ningon ngguk bram nimaisi dima ngwig leu su lene Daud cuk tungwatu nya leu binhyepo yuug brim Batsyeba ninda bibuwak noni kwei ei nibou ndig de igya. Lene Daud wak Batsyeba nok nitnem. Jei bi lene Batsyeba yai nipmot gom bak noni. Noro Allah ningon pus tut Daud niyai munti dima.

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

NEHEI LEUSI 4:14

Lene tuhan ningon sibui sut Musa bipai binoni “Abon akindig Harun bi e? Dikan tut bipia noni mbrap kan. Ningat ne noni ningat rima kak puig sinon kwei su. Tirigi noni kwei ngat angat bou niyai him lene ningon llei bibor kei.

NEHEI LEUSI 4:30

Ba, Harun tri tut mun di tuhan cuk Musa tut hagom biyok leu api Musa ndo mun di mindur nya brei bou yahagom igyai him.

NEHEI LEUSI 5:1

Lene Musa kin Harun yuug ngat Firaun bipai binoni “tuhan di nok mben Israel ide Allah sok nihyet bak na di Andigpoi bipia suar asindui sut Nide limwa nya bimbut ug ei iggum ndigsi leu binhyepo ikuk yok biNoni ei sirima.”

NEHEI LEUSI 7:10

Lene Musa kin Harun yuug ya ei Firaun noho bei bigyai hagom bit leu nok Allah nicuk yoti. Harun com nide tom ei dihyeisi mu ei Firaun kin yo di igya kui noni yoho bei lene tom dima nok wou.

NIPINGOK NINGONTI 13:10

Yo di illei-lau sut yonti ibindei ba, tungwatu nya isrep huk yam noro yo di ingon ki nya isindui sut ba, hiter ipingok ingonti.

YESAYA 37:4

Nibou ndig Asyur cuk nide nibou pran gom kwei mem gima nihyet wer mpiahi tut Allah Di Niyaijo. Mpaba tuhan Allah miap nihyet di wer mpiahi di tibim ei nibou dima nuhui him bikes hukum ei dip! Gima rino ma angat nadi bak Allah mem nye di itug ndei nimai bigyo.”

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MBEN ISRAEL IMBUT-MBUT NYEN 11:1

Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.

MBEN ISRAEL IMBUT-MBUT NYEN 11:29

Noro Musa buhup “Nani abrim angkek mem ampu dani e? Dijoi sut bipia tuhan yai Nonti Ninnei bak Nide limwa nya yahagom ba, bindei yahagom ba, inok nabi nya.”

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MBEN ISRAEL IMBUT-MBUT NYEN 16:3

Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

FILIPI 2:14

Ma jilua sok drek dip jiyai munti nya ba, jiliriem yam cem au.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”