MBEN ISRAEL IMBUT-MBUT NYEN 11:1 - ALLAH NIHYET MEM TUNGWATU NYA

¹ Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.

MBEN ISRAEL IMBUT-MBUT NYEN 11:1 Iomraidhean Croise

NITRITI 38:10

Niyai munti dima bindei ba, tuhan ningon sibui sut noni cem leu api kes hukum nimai ei noni dip.

SAMUEL GI NICAN 11:27

Nijam ningon ngguk bram nimaisi dima ngwig leu su lene Daud cuk tungwatu nya leu binhyepo yuug brim Batsyeba ninda bibuwak noni kwei ei nibou ndig de igya. Lene Daud wak Batsyeba nok nitnem. Jei bi lene Batsyeba yai nipmot gom bak noni. Noro Allah ningon pus tut Daud niyai munti dima.

NIBOU NDIG NYA GI NICAN 1:12

Lene Elia buhup “Gino dani ne Allah de awak ningat-ngat rin lene handei kon ba, hum di cig-cai cut kwei leu mpia-bbed him biyem nani kin tentara nya di ibit na jahagom ba, jisar bijingwig hak.” Hammi tirigi Elia pai nok rino hum cut biyem nibou tentara dima kin tentara ibou ningot muhwi di ibit pima yahagom ba, isar bingwig hak.

AYUB 1:16

Nipou tirigi awak dima kes nihyet hon bigyo lene awak gom kin bu kwei krau bipai bak Ayub “Kigyei tot domba kin gembala nya ba, yahagom imai bingwig noro dangkom ngat he rino dingwes ngun bidikwei pai sut bina di Andigpoi.”

MAZMUR 106:18

Hum cut kwei biyem nimpung di itti kin yok bitunggwei nihyet yahagom bingkiong bijjem.

MAZMUR 78:21

Allah miap tut inso-nso nyenti dima leu api gga yok ba, ba hum bihwen Nide limwa nya. Nigga yokti bikum eisi kikau,

MAZMUR 78:63

Nikon pranti yem munggwom pilei di ide nya lene hi di wak sop gwam nitta pilei di mben Israel ide nya bi.

NEHEI LEUSI 16:7

Njap di hyep bu lene mijingat tuhan de nikei-kau-keisi bou jiyai him. Noni miap jihyet tirigi po jinso-nso nyen pima. Ningat ne jingon sibui sut Noni lewo Harun nyeni ninok Nide awak nya binibit Nide nicuk nyeti nya he.

NEHEI LEUSI 16:9

Lene Musa pai bak Harun “Ma acuk tungwatu nya yahagom bipia ikwei ya ei tuhan Noho bei leu gi po inso-nso nyen pima tibim ei nitingou nsi tu.”

YESAYA 10:17

Allah di kwes-kwau di ninyeng Nipigati Israel dem kep hum njeng di yem mun nyeng hagom bitut war nggig-nggwen nya cem bingwig hak ei njap ngom ngat.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

NIBWOS-BWOS NYENTI 3:39

Gino tuhan kes hukum ei tungwagom dip drek dip nide sisar lene nggon rima no dima nso-nso nyen tut i?

YEHEZKIEL 20:36

Ba, gima noyam kin gi po dibibon jidigup bat-jidigai bat nya ei Iggum Ndigsi Sinai. Da di tuhan Di Dinyeng Jei Bibor disimbot dat tu.

IMAM NYA IDE MIDYAI 10:2

Apino tuhan kes hum di cig-cai kros kwei ba, hum dima yem yahacem bimai ei Nide Prak Mengti.

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

HABAKUK 3:5

Acuk nsuwer ajar bibie aho lene acuk minu nimai nya ide biya abia kep anghim dip.

MBEN ISRAEL IMBUT-MBUT NYEN 10:33

Tirigi po mben Israel ikes Nungug Sinai po tuhan pigig ser pima bimbut lene imbut mem mmun-njap ningai. Mpe dima ne tuhan De Brua Gi Preu bie tut yok leu binhyepo ndo igbit mpia ttou nsi di kei mem gima yohok ide prak meng nya eisi.

MBEN ISRAEL IMBUT-MBUT NYEN 11:18

Nogindini ma aug tri tut bak ade limwa di mben Israel bipia suar idimig yonti ei lewo njap di hyep bu lene yoni migyem kep mikwau ug ri. Gi po inso-nso nyen nindig bibor tut gi ikimam mikwau ba, mun di pek kep mem igyaijoti ei minu Mesir kei bibor dor njiriek pima tibim ei ditingou nsi tu. Nogindini tuhan miyai mikwau bije ba, suar jiyem.

MBEN ISRAEL IMBUT-MBUT NYEN 12:2

Lewo yahacem inso-nso nyen bipai “tuhan sok nihyet ei Musa nongkom dip bak mben Israel e? Noni sok nihyet ei nyeni dip cem mem yok bi e?” Lene mun di ipai dima tibim ug ei tuhan nitingou nsi.

MBEN ISRAEL IMBUT-MBUT NYEN 14:2

Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 14:27

“Yo di imbuk dini minso-nso nyen tut Da mem nijam pig bu i? Cobi! Dimiap mun di inso-nso nyen tut dima hagom tu.

MBEN ISRAEL IMBUT-MBUT NYEN 14:28

Disok dihyet ei na dip bak yo dima nok gini. Dipai tug hon neheng bit leu nok diyaijo ninno bijo kikau bipia midibirop ighyet bit leu nok yahara Dati tu. Dani ne tuhan rin ba, disimbot dat tu.

MBEN ISRAEL IMBUT-MBUT NYEN 16:11

Ningat ne tirigi nani kin yo di igya kui na jahagom jilua-lua nyen tut Harun lene gima noyam kin gi jaham jimbuk kep tuhan ri!”

MBEN ISRAEL IMBUT-MBUT NYEN 16:35

Leu api tuhan kes hum di sror biyem ibou sratus can ningot muhwi po iba srier di indig kep biei nggrai di ui-gwang kei eisi bikuk yok bak tuhan pima yahagom bingkiong bingwig hak.

MBEN ISRAEL IMBUT-MBUT NYEN 17:5

Ba, no di nide tom nibiop tug ne no di didimig ei su ri. Tug hon nisinati dima lene midibicut mben Israel ide nilua sok nyen tut nati.”

MBEN ISRAEL IMBUT-MBUT NYEN 21:5

Apino isrep tut Allah kin Musa cem bipai “Nggon rino abuwak nye kwei leu minu Mesir leu binhyepo nimai biningwig ei iggum ndigsi di bon njita kin minyei bi dini i? Njita di niyem kep dini nos nye bibon nyeni ningon him wei.”

KORINTUS GI NIGOM 10:10

Harin dima ilua sok nok gi yoni ilua sok a. Lewo Malaikati di ninyeng tak kep Nimai bindei ba, imai drek dip.

NINDAT KEP TUHAN NICUKTI NYA 25:18

Yoni ittin tut Allah bi ba, ihwen jeni ei jinghim dip tirigi jinghuisi wei ba, jimig buhun cem leu api igyai nimai bak gi hi di imbutti nggruk bibor bigya abia kep jeni yahagom.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

NINDAT KEP TUHAN NICUKTI NYA 9:22

Nok gima cem jibindei ba, tuhan ningon sibui sut je tirigi jibong ei Tabera kin Masa kin Kibrot-Taawa.

IBRANI 12:29

Lewo ide Allah dem kep hum di cig-cai di bindei timek mun nyeng hagom.

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.