MBEN ISRAEL IMBUT-MBUT NYEN 10:9 - ALLAH NIHYET MEM TUNGWATU NYA

⁹ Tirigi jinjei siceu mem gima jikon pran ba, jibiya ngkiem ser jide siceu di icut igkep je mem gima ipos jide minu dima lene ma jimiep pun mbrei dima hacem. Leu api Da di tuhan di dinok jide Allah midimpu jeni ba, diteu jeni bijingwes ngun leu jide siceu nya inda nsi.

MBEN ISRAEL IMBUT-MBUT NYEN 10:9 Iomraidhean Croise

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

NIBOHON MBEN ISRAEL GI NICAN 13:12

Allah Nonti nok nyende nibou di bie tut nyeni lene Nide imam nya cem ingat rin bit nyeni. Yoni itin ei mem gima imiep pun mbrei nya nok bindo mem gima ninjei ba, nikon pran bit je. Mben Israel jen o! Ma jaham jimbuk kep jidigup bat-jidigai bat nya ide tuhan Allah au o! Lewo bit bon jibindei timek nye kan bi sren o!”

NIBOHON MBEN ISRAEL GI NICAN 13:14

Tirigi tentara timiei Yehuda nya ingat lo, siceu nya igyon ttai yok lene yahara tuhan bimpu yok. Lene imam nya imiep pun mbrei nya.

MAZMUR 106:4

tuhan e, ayok ngon kep da tirigi ando Ade nisingatti bak Ade limwa nya. Ampu dani cem ei mpe di ateu yok bingwes ngun.

MAZMUR 106:42

Siceu di ihwen bit yok nya ico kep yok ba, yoom yok bicut ei inda behei.

MAZMUR 136:23

Mpe dino ide siceu nya ibindei timek nye lene Noni bbwe ser nye bi. Nide ningon ngakeisi jo ninghig-niker.

YESAYA 18:3

Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 4:19

Dingon buhun bibor! Dingon ngkiem tut niwei bu bi! Dem mem gima doom kep danti bidigwam nyahan bi! Dingon pri ndei dingget ninsi. Lewo dimiap pun mbrei nugwei bong ba, siceu nya ighyet sra tut pran tu.

YEREMIA 4:21

Suar dingat nikon pran bit yamti di kinei-kinau bou diyai him ug bipek apig bu i? Dimiap pun mbrei di nibimbi bindei di ditingou nam ug bipek apig bu i?

YEREMIA 4:5

Ma jimiep pun mbrei bidem minu dini! Ma jiba nihyet di tibim kin nihyet di nindig bijem ug! Ma jicuk timiei minu Yehuda kin minu ndig Yerusalem inang bicoi ug ei minu ndig di bon tentara nibousi di igya coi nya.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”

YEHEZKIEL 7:14

Pun mbrei nibimbiti mibong lene yahagom itin ei. Noro hi dima ug bikon pran bi. Lewo Allah de nigga biborti cut igkep yahagom ser tu.

HOSEA 5:8

Ma jimiep pun mbrei ei minu ndig Gibea! Ma jibui brem-brem ei minu ndig Rama ba, jibijem nikon pran cig nya kwei! Ma jihyet sra tut pran ei minu ndig Betel! Je di tentara Benyamin e, ma jinjei siceu a!

AMOS 3:6

Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

ZEFANYA 1:16

Njap jei dima ne pun mbrei nibimbiti tibim kin tentara ngot di ighyet sra tut pran binjei ndam minu ndig di bon ngug tig kin tentara nibousi di igya coi nya di ihwen ri.

MBEN ISRAEL IMBUT-MBUT NYEN 31:6

Musa cuk yok ba, injei bit Pinehas di Imam Eleazar nipmot mem gima ikon pran. Pinehas pwoi nimbumbati di kwes-kwau nya kin pun mbrei leu binhyepo miep bitto yok.

KORINTUS GI NIGOM 14:8

Gino no di miep pun mbrei ba, binduk tentara nya kwei miep pun mbrei haigtu bi lene tentara tou rino mitin ei mem nikon pran bit siceu nyati dima i?

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

YOSUA 6:5

Gima ngwig lene ma imam nya imiep ide pun mbrei sindem bibor mbigom ngat. Tirigi je di nindigsi jimiap nimbi bong lene ma pinai nya yahagom imbos-hi-mbos mbigom apino ngug tig di bikrop ttai minu dima hagom milus ug ei dihyeisi. Lene ma ade tentara yahagom icoi ug ei minu ndig Yerikho bigyati.”

NIJAM NIKEI NYA 10:8

Mben cin dini ico kep mben Israel di ibong ei Gilead ei mben Amori ide dihyei hanjop nsi ei Minyei Yordan nite bei mpia nipriti kikau mem nijam ari bingwam simnaimuhwidip brimigtehiningai. Iba isibut bico kep yok.

NIJAM NIKEI NYA 2:18

Tirigino tuhan dimig mben Israel ide nibou gom ei bimpu noni leu binhyepo bie tut yok biteu yok bingwes ngun leu ide siceu nya lene yahagom ibong kei igwam kei kikau bibou nibou dima mai leu yok ug e. Ei nijam dima ne tuhan ngondut mben Israel lewo ingon buhun tut ide siceu di imbuk tut yok bico kep yok.

NIJAM NIKEI NYA 3:27

Haninyai tirigi ug krau nungug him Efraim lene noni miep pun mbrei gom bibijem mben Israel kwei mem gima ikon pran. Tirigi yahagom idem yam tu lene Ehud bie tut yok ba, ijuk kwei leu nungug him dima.

NIJAM NIKEI NYA 6:34

Mpe dima lene Gideon yai nisindemti leu tuhan Ninnei. Noni miep pun mbrei gom binduk yo di imbier kim Abiezer yahagom kwei bingwig kep noni.

NIJAM NIKEI NYA 6:9

Diteu je bijingwes ngun leu minu Mesir kin jide siceu nya di ibong ser jide minu dini hagom tu cem. Dijji yok sindam tirigi jihwen yok leu api dikwas ide hanjop nsi dini tut je tu.

SAMUEL GI NIGOM 10:18

Lene pai biyok “tuhan di nok je di mben Israel jide Allah pai ‘Dibuwak je kwei leu minu Mesir ba, diteu je bijingwes ngun leu mben Mesir kin ngkiai nya nindigsi di ico kep je indati tu.