MBEN ISRAEL IMBUT-MBUT NYEN 1:53 - ALLAH NIHYET MEM TUNGWATU NYA

⁵³ Noro suar yo di intun keret Lewi him yohok ide prak meng bikrop ttai Ditde Prak Meng dima. Lene igya ser leu binhyepo tungwa hi dideu bi. Leu gi nok lene gima mibindei ba, digga yok bidikes hukum ei mben Israel dip.”

MBEN ISRAEL IMBUT-MBUT NYEN 1:53 Iomraidhean Croise

NIBOHON MBEN ISRAEL GI NIGOM 23:32

Suar ibuhup tut midyai ninyohou tuhan De Prak Meng kin tuhan De Ig ba, impu ide bat imam nya di intun Harun him yahagom tut nibon midut nya di ibon ei gumihyep dima cem.

NIBOHON MBEN ISRAEL GI NICAN 13:10

Nyeni noom nyenti ba, nibou cut bak nyende tuhan Allah kikau ba, nigiba ninghim bak Noni bi. Nikrau kep nyende imam di intun Harun him kin Lewi nya di yahati tut yok nok gima cem kikau o!

NIBOHON MBEN ISRAEL GI NICAN 13:11

Lene imam dima yok indig biei nggrai di ui-gwang kei ba, ibon midut nindig mindhe titut kep humti cem bibikuk yok bak tuhan ba, idis roti nitin ei ei tuhan Noho bei bikwop njap tekti kin mmunti. Lene itin mini njeng nya ba, ikes ei nidihim dip bikwop mmun cem. Nyeni nikrau kep tuhan nicuk nyeti nya kikau yo. Noro jeni ne jiba jinghim bak Noni tu o!

YEREMIA 23:15

tuhan Di Sindem Bibor pai “Midiyai njita di mpo-mpam biyok bigyem. Miduhug krisieu ngei biyok bidut. Lewo yahak ide mun di kinei ei tungwatu nyati bidem minu dini hagom bibindei ba, yo dima ikuk yok biDa bu bi.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

IMAM NYA IDE MIDYAI 10:6

Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

MBEN ISRAEL IMBUT-MBUT NYEN 1:50

Noro acuk yok ba, inyohou dimig Ditde Prak Meng bitut nimbumbati nya ba, igyai midyai eisi lene ibiang hagom tirigi jimbut-mbut nyen cem. Lene ma yohok ide prak meng nya bikrop ttai Ditde Prak Meng dima.

MBEN ISRAEL IMBUT-MBUT NYEN 1:54

Gima rino mben Israel igyai mun dini yok hagom bit leu tuhan nicuk Musati.

MBEN ISRAEL IMBUT-MBUT NYEN 16:46

leu api Musa pai bak Harun “Ayai ade srier di mem hum mbom ba, aket hum mbom leu nimbar hum dokti ei niti lene akes biei nggrai di ui-gwang kei ei nidip a. Ma abipbur ba, aug ei limwa nya ikieti lene aba hum mbom dima bibon midut nibiyai nikos ser sisarti gau yoni. Abrim amig hak ug! Lewo tuhan nigga biborti cig-cai tu ba, nsuwer ajar cem sindi hwen yok.”

MBEN ISRAEL IMBUT-MBUT NYEN 16:9

Apo jikan bipia gi po Allah mben Israel dimig jeni leu mben Israel ikieti leu binhyepo jidideu Noni cem jiyai midyai ei Nide Prak Meng nsi bijiyai midyai mem mben Israel bijahati tut yok cem ba, gima hagom bon ninyeng bi e?

MBEN ISRAEL IMBUT-MBUT NYEN 17:7

Leu api Musa kes tom dima yok ei tuhan De Prak Meng ninsi ei Brua Gi Preu noho.

MBEN ISRAEL IMBUT-MBUT NYEN 2:17

Keret nya nimpung can ibie leu api suar keret Lewi igya bia kep yok bittei tuhan De Prak Meng leu api keret nya nimpung can bu ibram yok. Lene bikwop nimpung keret nya imbut sindam bit leu nok ide prak meng di idimig bijo kimus pima ba, ibibit ide minyahas nibicom yam pima.

MBEN ISRAEL IMBUT-MBUT NYEN 3:23

Lene Gerson nya yohok ide prak meng nya ei nite bei mpia nicutti hammi tuhan De Prak Meng ninghim.

MBEN ISRAEL IMBUT-MBUT NYEN 3:29

Lene Kehat nya yohok ide prak meng nya ei nite bei mpia nibiho hammi tuhan De Prak Meng ninghim.

MBEN ISRAEL IMBUT-MBUT NYEN 3:35

Zuriel di Abihail nipmot rinok nibou mem Merari nide bat nya. Merari nya yohok ide prak meng nya ei nite bei mpia nijjai hammi tuhan De Prak Meng ninghim.

MBEN ISRAEL IMBUT-MBUT NYEN 3:38

Lene suar Musa kin Harun bitut ipmot bat nya yohok ide prak meng ei mben Israel ide prak meng yati hammi tuhan De Prak Meng nuhui nite bei mpia nipriti. Yoni yahati tut midyai di bitut nibon midut nikuk yok bak tuhan nyati mem mben Israel ei Ninsi Di Kwes. Ter leu yoni lene tungwa tou rino bingon biyai midyai dima mitug ndei hukum nimai drek dip.

MBEN ISRAEL IMBUT-MBUT NYEN 31:30

Tut mun di limwa mben Israel nindigsi nya ima bou yok pima lene suar jikwas tungwagom leu ibou ningot muhwi di tentara ikat yok kwei bitut sapi nya kin keledai nya kin domba nya kin kambir nya tut Lewi nya di yahati tut Ditde Prak Meng.”

MBEN ISRAEL IMBUT-MBUT NYEN 31:47

Leu mun di limwa Israel nindigsi nya ima bou yok dima lene Musa kwas tungwagom leu ibou ningot muhwi kin bibikwop mindhe-ndhe ningut gom leu ningut ningot muhwi pima cem tut Lewi nya di yahati tut tuhan De Prak Meng bit leu nok tuhan nicuk noti.

MBEN ISRAEL IMBUT-MBUT NYEN 8:19

Lene dikes Lewi nya yahagom bak Harun kin nipmot bat nya leu binhyepo igyai midyai mem mben Israel ei Ditde Prak Meng nsi lene yahara ser nhyema dikos ser mben Israel ide sisar di idideu Prak Meng di kwes-kwau dima kin gi ibisinggre bi ba, dikes nsuwer ajar ei yok dip bi cem.”

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

SAMUEL GI NIGOM 6:19

Noro timiei Bet-Semes ibou ningot muhwindacan yuug ngig igyai kep mun di jo ei Brua Gi Preu dimati. Gima rino tuhan kes hukum nimai ei yahagom dip. Apino timiei Bet-Semes nya ingon ngguk tut hukum nindig bibor di tuhan bindei di cut igkep yok dima.