MBEN ISRAEL IMBUT-MBUT NYEN 1:51 - ALLAH NIHYET MEM TUNGWATU NYA

⁵¹ Gino jipri leu mpia ttou nsi gom lene suar pinai di intun keret Lewi him dima rima ilet Ditde Prak Meng. Leu api bikwop mpe di juug hok prak meng hanyen ei mpia ttou nsi gi nijep bu lene yoni rima yohok hanyen a. Ter leu yoni lene tungwa tou rino dideu Prak Meng dima lene mitug ndei hukum nimai drek dip.

MBEN ISRAEL IMBUT-MBUT NYEN 1:51 Iomraidhean Croise

SAMUEL GI NICAN 6:7

Lene tuhan Allah ningon sibui sut noni tut nide nipigau hanjopti bingget brua dima apino yai nimai binoni kros simiak Brua Gi Preu.

MBEN ISRAEL IMBUT-MBUT NYEN 10:11

Mpe dima ne bumbuhui sindi son kui leu tuhan De Prak Meng dip ei njap ngon bou gi nyatungwagom ei bed gi nican mem ari bingwam gi nican niabiati mben Israel ijo leu minu Mesir.

MBEN ISRAEL IMBUT-MBUT NYEN 16:40

Gima ne ngkimom-tembaga nibiyok ngon kep di bisok kep mben Israel ri. Yo di intun Harun him yongkom dem mem gima indig biei nggrai di ui-gwang kei mem tuhan lene hiter dem mem gima bi. Tungwa di njiriek nicukti dima lene misar noyam kin Korah kin yo di itti kin noni. Lene mben Israel ibit leu nok tuhan nicuk Eleazarti tug hon Musa.

MBEN ISRAEL IMBUT-MBUT NYEN 17:13

Gino suar yo di idideu tuhan De Prak Meng dima itug ndei hukum nimai lene nna ba nahagom minimai hak drek dip ug!”

MBEN ISRAEL IMBUT-MBUT NYEN 17:5

Ba, no di nide tom nibiop tug ne no di didimig ei su ri. Tug hon nisinati dima lene midibicut mben Israel ide nilua sok nyen tut nati.”

MBEN ISRAEL IMBUT-MBUT NYEN 18:22

Ma mben Israel nindigsi nya idideu Prak Meng dima au. Leu gi nok lene gima mibindei bingon mui apino itug ndei hukum nimai drek dip.

MBEN ISRAEL IMBUT-MBUT NYEN 18:3

Suar keret Lewi yuusap nani tut midyai ba, igyai ibou tut midyai di inyeng joti nya ei Ditde De Prak Meng nsi. Noro harin dima idideu nimbar hum dok ba, ingget ndigban di kwes-kwau ei Ninsi di Kwes cem a. Gino itunggwei sut nicukti dima lene yoni kin nani cem mijitug ndei hukum nimai hak ug.

MBEN ISRAEL IMBUT-MBUT NYEN 18:4

Suar igyai ibou tut midyai di inyeng joti nya ei Ditde Prak Meng nsi ba, yahati tut nani. Noro ma asindui sut ba, yo di idem mem gima igyai midyai dima bi nya igyai midyai bit nani au.

MBEN ISRAEL IMBUT-MBUT NYEN 18:7

Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

MBEN ISRAEL IMBUT-MBUT NYEN 3:10

Noro suar ata Harun kin nipmot bat nya mem gima ibindei mbut midyai di imam nya ide. Ter leu yoni lene tungwa tou rino bingon biyai midyai dima mitug ndei hukum nimai drek dip.”

MBEN ISRAEL IMBUT-MBUT NYEN 3:38

Lene suar Musa kin Harun bitut ipmot bat nya yohok ide prak meng ei mben Israel ide prak meng yati hammi tuhan De Prak Meng nuhui nite bei mpia nipriti. Yoni yahati tut midyai di bitut nibon midut nikuk yok bak tuhan nyati mem mben Israel ei Ninsi Di Kwes. Ter leu yoni lene tungwa tou rino bingon biyai midyai dima mitug ndei hukum nimai drek dip.

SAMUEL GI NIGOM 6:19

Noro timiei Bet-Semes ibou ningot muhwindacan yuug ngig igyai kep mun di jo ei Brua Gi Preu dimati. Gima rino tuhan kes hukum nimai ei yahagom dip. Apino timiei Bet-Semes nya ingon ngguk tut hukum nindig bibor di tuhan bindei di cut igkep yok dima.