NITRITI 9:2 - ALLAH NIHYET MEM TUNGWATU NYA

² Ba, mindhe-ndhe nya kin ha nya kin wau nya hagom mittin tut je. Dikes hagom ei jindati bijinyeng tak kep yok.

NITRITI 9:2 Iomraidhean Croise

NITRITI 1:21

Gima rino Allah pai tes mindhe-ndhe di nindig krop di igyaijo ei muk jou kin mindhe-ndhe hi gom hi gom di igyaijo ei minyeisi kin ha nya hi gom hi gom cem. Lene ningon llei bibor tirigi ngat mun di Noni pai tes dima yok.

NITRITI 1:26

Lene Allah pai bu “Nogindini ma ipai tes tungwatu nya noyam kin nyeni ba, idat nyeti. Leu binhyepo inyeng tak kep wau nya kin ha nya kin mindhe-ndhe nindigsi nya hagom. Gi hi di tungwatu nya ighyen kep kin gi hi di ibong bigbehei nya kin gi nindig nya kin nimien nya cem hagom.”

NITRITI 1:28

Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 2:19

Gima rino Noni kam dihyei ndung poi mien ba, op nok mindhe-ndhe mambei nya kin ha nya ei hou him hagom leu api jem hagom kwei bak tungwatu dima mem gima ngat ninyeng dima miyai bak mindhe-ndhe dima yok. Mpe dima lene sindi nitriti mem mindhe-ndhe di itug kep dihyeisi kin hou him hagom igyai inyeng ri.

NITRITI 35:5

Tirigi Yakub kin nipmot bat nya yehei sut ide bat kin ide limwa nya bimbut rin lene Allah bindei ba, timiei minu ndig di gahai nya yahagom inghuisi mpig sut nindig bibor apino tungwa hi huk bram Yakub nya bi.

NITRITI 9:1

Lene Allah njei mun di kei bak Nuh kin nipmot bat nya bipai biyok “Ma jibon jimunggwom bat nya imang bibor leu binhyepo jide ni ntun him yamti di bram yam nya midigek kep dihyei nisurti-nipekti hagom.

NITRITI 9:3

Hon kep ammani kui lene mun dima yok hagom minok jide mikwau noyam kin njita kioi di nimeng ngig-ngun di jiyem kep tu. Diyai gima yok hagom bije nok jide njita.

AYUB 39:11

Aba angon com noni tut nide nisindemti ba, ayok ngon mem gima noni yai kep ade midyai di buhun bibor e?

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

IMAM NYA IDE MIDYAI 26:22

Midipinak mindhe-ndhe di niten-pos nya kwei ei jikieti. Mindhe-ndhe dima yok mittem jimunggwom bat nya ba, yaham jide mindhe-ndhe di jihyen kep nya bimai bingwig ba, ibindei ngwig jeni cem. Apino jimangti poi mien he. Gima hagom mibindei ba, jide puig nya tereu nok mpia di ha he bong.

IMAM NYA IDE MIDYAI 26:6

Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

YAKOBUS 3:7

Bon tungwatu nya inek mindhe-ndhe di niten-pos nya kin ha nya kin mun di srei ei dihyeisi kin mun di jo ei minyei jou hagom kan ba, gi ipijuk ne muhup.