NITRITI 4:8 - ALLAH NIHYET MEM TUNGWATU NYA

⁸ Mpe hi bu lene Kain pai bak nikinjoi Habel “Akwei ba, suug ei ngoi dumti ri.” Tirigi yuug krau ngoi dumti lene Kain bui nikinjoi bimai hak ug.

NITRITI 4:8 Iomraidhean Croise

NITRITI 4:25

Lene Adam nitnem yoni igyem njita tut yam bu apino jei bi lene nitnem tta buhun. Jei bi lene noni gwam tut nipinai hi bu bijem ninyeng Set. Gima rino Hawa pai “Allah bindei ba, siyai sipmot hi kin bu biluei Habel nohoti lewo Kain hwen noni bimai su.”

SAMUEL GI NICAN 14:6

Dibon dipmot bat nya ibou can ba, mpe di gom lene ihwen yam ei ngoi dumti lo, hi di ya hacan bikat yok leu yam bi apino gi hi yai nimai bak gi hi hak ug.

SAMUEL GI NICAN 3:27

Abner ngkwei hanyen bikwei krau Hebron tu lene Yoab bipbur bipai bak noni bipia yahacem igya ter dideu dimbou pmem leu binhyepo mbot kep mimun bak. Leu api Yoab dat Abner ninghopti kros ba, tti bimai hak. Yoab ningon nggrom kep Abner biyai nimai bak drek dip nikinjoi Asael po Abner yai nimai bak pima ri.

NIBOHON MBEN ISRAEL GI NICAN 21:4

Tirigi Yehoram kan lo, ninyeng tak kepti sindem tu lene cuk tungwatu nya ba, igyai nimai bak nikinjoi bat ningat-ngat pima yok yahagom kin nibou mben Israel ibou poi cem.

NEHEMIA 6:2

Sanbalat Gesyem nya ipas srat nibijem ba, ipinak kwei bida leu binhyepo duug um yok ba, nidem yam ei minu mien gom ei Briep Bou Him Ono. Noro dikan tut bipia icom biei mpup ris da leu binhyepo bon nituti mem gima ihwen da.

AYUB 11:15

Leu api bon aba angon di nddong kin ninghig-niker biya um mun di pek kep mem na. Ginok lene bon aya ngkiem kei ba, mimbri mikui angkek.

MAZMUR 139:19

Allah e, nnaba akes hukum nimai ei yo di isibut nya dip. Nnaba ajji yo di imbuk nya ug ei minu ting bibor leu da hak ug!

MAZMUR 36:3

No dima kon nonti nok no di mipbor ngat apino ningon guhukti tut nitunggweisi nya bi. Ningon hukti bi apino ningon gimpo tut niyai munti di kinei nya bi a.

MAZMUR 55:21

Disut timiei pima kiju kep nisut bat nya bihwen yok. Nonti bikep ser nipreu eisi nya tu.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

MIKHA 7:6

Lewo ei nijam di nok gini ne yo di ig bei nsi gom iba nitok biyam. Pinai nya ingwes om kep icig bat nya lene sop nya iba nitok bak ipmem bat nya. Sop di ignyot bat yam cem iba nitok biyam bu.

MBEN ISRAEL IMBUT-MBUT NYEN 35:20

Gino tungwagom ningon sibui sut hiter leu api njei no dima hwen mpia bimai e, he ba mun hi bihwen bimai e, he

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

LUKAS 11:51

leu mpe di po ikimukep Habel kikau kwei bipek mpe dino ikimukep Zakharia ei nimbar hum dok kin Allah De Ninsi Di Kwes ikieti. Ma jiyok ngon kep bipia tungwatu nya ei nijam dini mitug ndei hukum drek dip yo dima yahagom imaisi.

LUKAS 22:48

Noro Yesus hig ser noni “Yudas e, aba nimei dingyoisi bitri Munggwom Tungwatu Nipmot e?”

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.