NITRITI 4:7 - ALLAH NIHYET MEM TUNGWATU NYA

⁷ Gino abon mun di kei lene ma angon nggan noro gino abon mun di kinei lene sisar tin ei mem coi ei angonti. Sisar pi bisrou na noro suar aom kep sisar dima.”

NITRITI 4:7 Iomraidhean Croise

NITRITI 19:21

Lene malaikati buhup “Nna ba dice tut angon kanti dima apino midicok tut minu mien dima bi.

NITRITI 3:16

Lene Noni pai bak no di sop “Tirigi atta buhun lene midibindei ba, anghuisi wei nindig bibor. Tirigi agwam tut amunggwom bat nya lene midibindei ba, anghim dut nindig bibor. Mbro nok gima lo, bit bon aom angut kanti leu ajjep kan bi noro aba abou coi mem noni nihyet hak.”

SAMUEL GI NICAN 24:23

Lene Arauna yai gima yok hagom bak nibou ndig bipai bak “Handei kon ba, Na di Anyeng Jei ade tuhan Allah mijoi sut nibon midut nindig mindhe titut kep humti ei nimbar hum dokti dima.”

NIBOU NDIG NYA GI NICAN 8:28

Mpe dima lene Nibou Ndig Ahazia bicom yam bit Yoram di nok nibou ndig mem mben Israel ba, ikon pran bit Hazael di nok nibou ndig mem mben Siria. Ikon pran bit yam ei Ramot ei hanjop Gilead. Yoram tug ndei nibok di buhun ei pran dimati,

AYUB 11:14

Abindei sar sisar bingwig leu angonti ba, acom nisibut biborti ei minu ting leu ade ig cem.

AYUB 11:15

Leu api bon aba angon di nddong kin ninghig-niker biya um mun di pek kep mem na. Ginok lene bon aya ngkiem kei ba, mimbri mikui angkek.

AYUB 29:4

Mpe dima lene dibong kei digwam kei ba, Allah ninggre kin dati bicuon da kin ditde ig bei nsi nya.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

NIPINGOK NINGONTI 18:5

Dem tut gima atti kin no di ningon mui ba, akes hukum ei no di ningon ngun dip bi.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

MALEAKHI 1:13

Jipai ‘Mun dini yok hagom buhun tak nye.’ Ba, jikoi jihwap tut Da. Jijem mindhe di jimbrai kin gi lit kin gi nggwen cem kwei mem jibikuk je biDa. Jikan bipia dice tut jiyai munti dima e?

MALEAKHI 1:8

Gino jibui mindhe di niyai tu kin gi nggwen kin gi lit cem mem Da lene jikan bipia jibon mun tunggwei sut dingon kanti bi e? Gino jibingon niyai mindhe dima bak nibou ndig lene ningon mikei sut je e, he ba ningon di nggriu biyai je e, he notou i?”

MBEN ISRAEL IMBUT-MBUT NYEN 32:23

Noro ma jiyok ngon kep bipia gino jiyai bipek kep mun di jipreu ei pima bi lene jibon sisar tut tuhan ba, mijitug ndei hukum drek dip.

KISAH 10:35

Mbro nok gino tungwagom nimbier kim timiei dihyeisi dini lo, no di kuk no bak Allah ba, niyai munti nya hagom kei bibor cem ne Allah joi sut noni.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 14:18

No di yai midyai nok awak mem Kristus ba nisinati dima biyai Allah ningon llei bibor ba, tungwatu nya cem ijoi sut noni.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

TIMOTIUS GI NIGOM 5:4

Lene gino sop kibom hi bon nimunggwom bat nya kin nidrot bat nya lene ma yo dima igyai mun di igbit ba, inyohou ide sop kibom bit leu nok Allah nihyet nicuk nyeti. Tug hon nisinati dima lene ma ibirop mun di igbit bak ide andigpoi nya hanyen. Gini bindei ba, Allah joi sut yok.

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.