NITRITI 4:5 - ALLAH NIHYET MEM TUNGWATU NYA

⁵ Noro Noni rok Kain tut nide mun di kwas. Apino Kain ningon sibui nindig bibor binghek.

NITRITI 4:5 Iomraidhean Croise

NITRITI 31:2

Gima ne Yakub kan tut bipia Laban kin noni ingon kwes kin yam nok gi nipou pima bu bi.

NITRITI 31:5

Lene noni pai biyok “Dingat bou diyai him bipia jicig ningon kwes kin da nok habiei pima bu bi. Noro dicig nide Allah nyohou da tu.

NITRITI 39:19

Lene Potifar ningon sibui sut Yusuf nindig bibor.

AYUB 15:13

angon sibui sut Allah ba, asrep huk Noni cem.

AYUB 5:2

Yo di ingon mbum nya yongkom itug ndei nimai drek dip gi indron hiter.

MAZMUR 20:3

Handei kon ba, Noni ba ninda di su kwei leu Nide Ig ei Mbigdip Sion bimpu na.

NIPINGOK NINGONTI 19:3

Ibou poi iba ningkek ndokti bimangkrei yonti igyaisi leu api injei kep tuhan.

NIPINGOK NINGONTI 29:10

Nimbiam cig nya ingon mpo tut no di ningon gom noro yo di ingon sren nya minyohou no dima.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 3:9

Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

MBEN ISRAEL IMBUT-MBUT NYEN 16:15

Lene Musa gga bibor bipai bak tuhan “tuhan e, ma arok yok tut mun di ikwas pijum ei tut Nani. Diyai mun tunggwei sut yok bi. Dimbrai mun nyeng gom bitut keledai ningut gom cem leu yok bi sren.”

MATIUS 20:15

Diba mitiei di dinyeng tut bitri je bit leu dijoi sutti bi e? He ma jibou dut drek dip gi dingondut tungwatuti e?’

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”