NITRITI 39:3 - ALLAH NIHYET MEM TUNGWATU NYA

³ Ba, niceu ngat bipia tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 39:3 Iomraidhean Croise

NITRITI 21:20

Lene Allah nyohou Ismael ba, noni bindig nut lene bong-bong wai ei iggum ndigsi ei Paran. Mimbrek-mimbrek lene noni nok no di ngim igkei.

NITRITI 21:22

Mpe dima lene Abimelekh kin Pikhol di nibou tentara ikwei ngat Abraham bipai binoni “Ningat ne Allah nyohou na bisindem tut na mem gima ayai ade midyai nya hagom.

NITRITI 21:23

Gima rino ma aheng bidani ei hanni ei Allah Noho bei bipia mporo aris bidani kin ditde nintun him yamti di bram yam nya bi sren. Lewo dipwoi angon ninno tu. Gima rino ma apwoi dingon ba, anyohou ditde minu di dinyeng tak kep dini cem lewo apek hanjop nsi ei angkiaisi dini ninno tu.”

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 26:28

Lene ibuhup “Jo nibreisi bipia tuhan nyohou na nok gi kei. Gima rino nikan bipia nna ba nyeni yahagom ipreu mun ei bit yam. Ma apreu ei mem nye bipia,

NITRITI 30:27

Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

NITRITI 30:30

Nipou tirigi dikwei ngat na bigyo lene na di Andigpoi anyeng tut mun nyeng gom-gom he noro tini bu lene anyeng bibor. tuhan njei mun di kei bak nani tug hon da tu. Gima rino njap dem mem gima diyai kep ditde midyai bidinyohou danti ditde ig bei nsi nya.”

NITRITI 39:2

tuhan nyohou Yusuf nok gi kei bibindei ba, noni joi bibor biyai midyai nya hagom nok mungkun kei. Noni bong bit niceu timiei minu Mesir pima.

NITRITI 39:21

Noro tuhan nyohou Yusuf nok gi kei kikau bingondut noni apino nibou ig bui cem ngondut noni.

NITRITI 39:23

Apino nibou ig bui ningon ku no tut mun di noni ba ningon com Yusuf tut bu bi lewo tuhan nyohou Yusuf bibindei ba, nide midyai nya hagom ngat ningat di kei bibor.

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NIGOM 9:20

Nipou yo ne Pinehas di Eleazar nipmot yok niyai kep yok. Handei kon tuhan nyohou noni!

NIBOHON MBEN ISRAEL GI NICAN 1:1

Salomo di Nibou Ndig Daud nipmot kui bigwam nok nibou ndig di sindem bibor ei ninyeng tak kep mben Israelti dima. Nide tuhan Allah njei mun di kei bak lene bindei ba, Salomo ninyeng tak kepti sindem bibor.

NIBOHON MBEN ISRAEL GI NICAN 26:5

Zakharia pingok kep ningonti tut Allah ningon kanti nya. Nijam di Zakharia niyaijo yo dima lene Uzia ba ningon di gom bikuk no bak tuhan kikau. Apino tuhan njei mun di kei bak noni.

NEHEMIA 2:20

Dibuhup “Allah di ninyeng jei ei gwamti mibindei ba, nyende midyai dini mimbut sindem. Ninok Nide awak nya ba, mbigom nikinyon eisi ug ri. Noro jeni rino jiyai srat nisindem ba, jinyeng tut hanjop nsi hi ei minu dini bi. Ba, daptar di ipas kep timiei minu ndig Yerusalem nya inyeng eisi tibim tut jinyeng bi sren.”

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.

SAMUEL GI NIGOM 18:14

Noni yai bipek kep midyai di yai nya hagom lewo tuhan mpu noni.

SAMUEL GI NIGOM 18:28

Saul ningon kan bipia tuhan nyohou mpu Daud ba, nipmisop Mikhal bungwam kep Daud nindig bibor cem.

SAMUEL GI NIGOM 3:19

Lene tuhan ningat rin bit Samuel kikau bindig lene bindei ba, mun di tibim ei Samuel nuhui him nya pek kep dem igbit nipaisi dima.