Biblia Todo Logo
Bìoball air-loidhne

- Sanasan -




NITRITI 27:4 - ALLAH NIHYET MEM TUNGWATU NYA

4 Lene ma abam mikwau di ninghap ngge kei nok gi dani dijoi sutti bida leu binhyepo diyem kep dikimam. Tirigi diyem bingwig lene midikes dinda ei na dip bidinjei mun di kei nya hagom bina di munggwom mighumbou nipou tirigi dimai bigyo.”

Faic an caibideil Dèan lethbhreac




NITRITI 27:4
23 Iomraidhean Croise  

Lene noni njei mun di kei bak Abram bipai bak “Nna ba Allah Di Ninyeng Jei Bibor di pai tes mpia-bbed him kin dihyeisi dini njei mun di kei bak Abram!


Lene nikijam kin nipmem ipigo noni bipai binoni “Nnaba ade nintun him yamti di bram yam nya imangti ibou juta mang bibor o! Nnaba igya kep bihwen ide siceu nya ba, itimek leu itimieisi o!”


Lene Yakub bit nipmem nihyet bibui kambir nya kwei lene nipmem bam igbit Yakub nicig nijoi sutti biyem.


Lene kon mikwau di ninghap ngge kei kin roti di noni kang ei su bikes hagom ei Yakub nindati.


Lene Yakub ris bak nicig bipai “Dani ne Esau apmot mighumbou pima ri. Diyai hagom bit leu nok gi po acuk dati pima tu. Gima rino akiju ba, agwam pijum leu binhyepo ayem mikwau di dingei mem na leu api anjei mun di kei pima hagom bak dani hak ug.”


Noni kan igbit Yakub bi lewo Yakub ninda pang nta-nta dem kep Esau ninda panga. Tirigi Ishak pi binjei mun di kei pima binoni,


Lene Ishak pai binoni “Ason mikwau dima dideu da bidiyem leu api midinjei mun di kei bak nani.” Lene Yakub son mikwau dideu nicig leu lene hug ba anggur ningei cem binoni bidut.


Lene Yakub nitta tti ndam nicig bimei leu api nicig tinip Esau de sinsun ninghap lene sindi njei mun di kei bak Yakub bipai “Dipmot ninghap dem kep sus di Allah njei mun di kei eisi.


Lene noni cem bam mikwau di ninghap ngge kei bingei bak nicig bipai binoni “Arig e, akiju ba, agwam pijum lene ma ayem mikwau di dingei kwei bina leu binhyepo anjei mun di kei nya hagom bak dani.”


Lene Ribka ngig nitingou mem mun di Ishak pai bak Esau pima. Gima rino niabiati Esau ug ngim leu su lene,


Ba, noni cuk Esau buug huk mikwau bingei kwei binoni. Tirigi acig yem bingwig lene noni minjei mun di kei nya hagom bak Esau nipou tirigi noni mai bigyo.


Aug ei mpia di side domba igyati ba, abui kambir pmot di nehen pap ningut can kwei leu binhyepo dibam bak acig biyem kep nikimamti.


Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!


Lene Yusuf buhup “Dipmot bat cin di Allah yai bida ei minu dini ri.” Lene Yakub pai binoni “Ma ikwei ya kui da bidingat nadi tindei yok.”


Yo dini ne pung di mben Israel ide keret simnaibrimigcan intun him ri. Icig tri tut nihyet dini mpe di po noni pigo bibikwop tungwagom-gom bihigom pima.


Simeon ngat nadi tindei mun di kei mem yok leu api pai bak ningwoi-ngwoi nipmem Maria bipai “Allah dimig munggwom dini leu binhyepo Noni mibindei sar mben Israel imang bibor lene mibindei ba, imang bibor igyai niteu leu sisarti bigyai niyaijo nijep. Noni minok bindo di kwei leu Allah leu api tungwatu nya imang bibor misrep tut Noni


Tirigi Yesus yai mun di kei biyok leu lene Noni kes yok leu bikui ug ei gwamti.


Niba ningon comti bindei ba, Ishak cem preu sut mun di kei di mipek kep mem Yakub kin Esau ei nidipti bu.


Lene Yosua ngat nadi tindei mun di kei leu tuhan Allah mem Kaleb di Yefune nipmot leu api kwas minu ndig Hebron tut noni kin yo di intun noni him.


Leu api Yosua ngat nadi bahara tuhan Allah mem gima Noni njei mun di kei bak yoni. Leu api noni kes yok bingkwei hanyen ug ei ide hanjop di inyeng tak kepti hanyen. Noni bisok kep yok “Nogindini jinyeng bibor ba, jingkwei hanyen tut mindhe-ndhe nihyen kep nya kin perak kin mas kin ngkimom-tembaga kin ngkimom nitu kin sinsun mang bibor. Ma jikwas mun di jipos dima bihi tut yo di imbier kim je nindigsi nya.” Tirigi Yosua kes nihyet hon leu api keret Ruben kin Gad kin Manasye di ibong Minyei Yordan nite dima ug ikes mben Israel nindigsi nya ei ide hanjop nsi. Ikiju bimbut leu Silo ei minu Kanaan leu lene imbut ug ei yonti ide hanjop nsi ei Gilead. tuhan cuk yoni ibong ser hanjop nsi dima bit leu nicukti di tug hon Musa. (Keret Manasye nite hi itug ndei dihyei hanjop nsi leu Musa ei Minyei Yordan nite hi tu. Noro keret Manasye nite hi itug ndei dihyei hanjop nsi leu Yosua ei Minyei Yordan nite bei mpia nicutti bit keret mben Israel nindigsi nya.)


Lean sinn:

Sanasan


Sanasan