NITRITI 22:3 - ALLAH NIHYET MEM TUNGWATU NYA

³ Njap bigyoti bu lene Abraham kiju birop biei mem gima ndig ei nimbar hum dokti bikes ei keledai gom dip leu api buwak Ishak kin nide awak nya ibou can ba, yuug ei mpia di Allah mbot kep binoni tu.

NITRITI 22:3 Iomraidhean Croise

NITRITI 17:23

Njap gom ndia lene Abraham ba sunat nipmot Ismael kin pinai nindigsi nya bitut nide awak nya ei nide ig bei nsi kin nide awak di noni ba mitiei biwim yok yahagom.

NITRITI 21:14

Njapti kui lene Abraham yai njita kin aigmui mindhe ngkek tut minyei di joti cem mem igyem kak puig sinon bak Hagar leu api kon Ismael ei Hagar ninghim lene cuk sop dima buug hak. Lene Hagar mbut-mbut wai ei iggum ndigsi gom ei Bersyeba.

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 22:2

Lene Allah binut bu bipai “Ma abuwak apmot gom ngat di Ishak di angon ce bi ba, juug ei dihyei Moria. Suar abui noni bit leu nok mindhe-ndhe di abui leu api andig kep hum ei nimbar hum dokti ei mbigdip di midindo binani yo.”

NITRITI 22:4

Njap ningai bu rino Abraham cap ser mpia dima bingat mbigdip pima ei minu ting.

MAZMUR 119:60

Dibipbur bidibindei mbut Ade ningginausi nya lene ditum dingon tut bi.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

LUKAS 14:26

“No di joi sut bit Da noro ningon ngakei nicig kin nipmem kin nitnem kin nimunggwom bat nya kin nikindig bat-nikinjoi bat nya kin nikwohop bat nya nindig dor njiriek ningon ngakei Dati binyohou nonti niyaisi lene bit bon Noni ya kui Da kan bi.

GALATIA 1:16

Tirigi Noni kos tut bipia ndo Nipmot brei bida leu binhyepo ditri tut Nihyet Di Kei tut Nipmot bak ngkiai nya lene duug nggok tungwatu nya mem gima ipingok dingonti tut bi.

IBRANI 11:8

Niba ningon comti bindei ba, Abraham ce tut bibit Allah nihyet tirigi Noni dimig Abraham ba, pinak noni ug ei minu di Allah preu ei mem noni. Abraham kes nitimieisi bimbut ug ei ningkiaisi di noni kan tut bi.

YOSUA 3:1

Njap di hyep bu lene Yosua kin nide limwa di mben Israel yahagom ikiju ba, ilet ide prak meng ei Sitim bimbut tut ug ei Minyei Yordan nintig dip. Lene yohok ide prak meng yati hanyen ei sirima bibet ingon mem nikwesti tirigi isigon minyei ug ei nitehi.

YOSUA 8:10

Lene Yosua kiju mem njap tekti ngat binduk nide tentara nya ba, idem yam. Leu api noni kin nibou Israel nindigsi nya injei siceu ug ei minu ndig Ai.