NITRITI 20:3 - ALLAH NIHYET MEM TUNGWATU NYA

³ Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NITRITI 20:3 Iomraidhean Croise

NITRITI 12:17

Noro tuhan kes ninggwen di buhun bibor bihwen Firaun kin nide ig bei nsi yahagom drek dip gi noni buwak Sarai di Abram nitnem.

NITRITI 12:18

Lene Firaun sok nihyet mem Abram bikwei ngat noni bihig ser noni “Aris bida tut nggon i? Nggon rino apai sut Sarai bipia noni ne atnem rin bi i?

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NITRITI 28:12

Lene noni mumpriem bingat lo, lin mbrei gom di itas ei dihyeisi bikui ug ei mpia-bbed him lene malaikati nya iti ba, bihi ijuk kwei lo, bihi ikui hanyen.

NITRITI 31:24

Mmun mau rino Allah tau kep Laban tirigi noni bong bimumpriem lene sok kep noni ngkiem ser bipai “Anyohou yai! Ma aba ahyet biyai Yakub au.”

NITRITI 37:5

Mpe di gom lene Yusuf bong bimumpriem leu api mbot kep tut mun di mumpriem dima bak nikindig bat nya apino ingon mpo tut noni nindig bibor bu.

NITRITI 37:9

Mpe di gom kin bu lene noni bong bimumpriem mbigom kin bu bimbot kep tut bak nikindig bat nya bipai “Dimumpriem mbigom kin bu bidingat lo, mpia njap kin bed mmun kin ham mpia-bbed him nya ningat simnaibrimiggom hagom ikuk yok bida.”

NITRITI 40:5

Tirigi isima ninno tu, lene nibou mem ba anggur ngei kin nibou mem roti yahacem ibong bimumpriem ba, ide mun di imumpriem dima bon nimbot kepti di ter leu yam.

NITRITI 40:8

Lene ibuhup “Nahacem nimumpriem hi mmun di aponi noro bit bon tungwa hi mbot kep tut mumpriem dima ningat binye kan bi.” Lene Yusuf pai biyok “Allah Nongkom sindem tut tungwatu nya leu binhyepo imbot kep tut nimbot kepti kan. Ma jipui sut mun di jimumpriem bida ug e.”

NITRITI 46:2

Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

NIBOHON MBEN ISRAEL GI NIGOM 16:21

Noro tuhan gisindui sut ba, tungwa hi co kep yok bi. Lewo tuhan sok kep nibou ndig nya tut yok,

AYUB 33:15

Noni mbrap tug hon mumpriem kin ningat-hi-ngat mem mmun tirigi tungwatu nya ibong mai leu.

AYUB 33:17

Ningon kanti pingok ingonti nok leu binhyepo ikes hon sisar leu ba, ibon bu bi. Nipingok yokti nya bindei ba, inggei-nggwang tut yonti bi.

MAZMUR 105:14

Noro tuhan sindui sut ba, ngkiai nya yoom kep Nide limwa nya bi. Noni nyohou yok bisok kep nibou ndig ngkiai nya bipai biyok,

YUNUS 3:4

Yunus coi ug ei minu ndig dima bimbut nimig mem njap nitindur gom lene ya niyati bitri tut nihyet biyok bipai “Njap ningot bitai bu ne tuhan mibindei timek jide minu dini bingwig ug rin o!”

MBEN ISRAEL IMBUT-MBUT NYEN 22:9

Lene Allah kwei hig ser Bileam “Tou nya rino ibong bit na i?”

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”