NIBWOS-BWOS NYENTI 5:21 - ALLAH NIHYET MEM TUNGWATU NYA

²¹ tuhan e, ma asindui sut nye ba, nihwou hanyen ndam Na. Miningkwei hanyen ndam Na! Ma ayai nibong kei ningwam keisi binye hanyen nok gi nipou a.

NIBWOS-BWOS NYENTI 5:21 Iomraidhean Croise

NIBOU NDIG NYA GI NIGOM 18:37

tuhan e, ma abuhup dihyet leu binhyepo yo dini yahagom mikan tut bipia Na di tuhan ne Allah di nijit ri. Nani rima abindei ba, yahagom ikwei kuk yok biNa hanyen bu.”

MAZMUR 80:19

Leu api miniba ninghim bak Nani bu bi sren. Ma anyohou nye leu binhyepo niyaijo hanyen leu api mininggei sut Na.

MAZMUR 80:3

ma ando Nanti brei bak keret Efraim kin Benyamin kin Manasye. Ma ando Ade nisindemti binye ba, akwei teu nye leu nyende siceu nya.

MAZMUR 80:7

Asindui sut ba, ngkiai nya di ibong ttai nye isrep tut yam drek dip nyende minu di ikwas tut yam dini ba, ipa ndip nye.

MAZMUR 85:4

Agigga yok bu bi ba, abrim Ade nigga biborti hanyen leu yok tu.

YESAYA 60:20

Da di tuhan midinok nipigati dijo ninno jo kikau dor njiriek mpia njap kin bed mmun mem na. Nijam ningon ngguk biborti mingwig hon nohonti.

YEREMIA 30:20

Midibindei ba, mimbri kui jide ninyeng tak kepti nok gi nipou ba, jinok Ditde limwa di igya nddong kei nya hanyen. Midikes hukum ei yo di ico kep tungwatu nya yahagom dip.

YEREMIA 31:18

Dimiap Ditde limwa mben Israel tirigi iba ingon di buhun hara Da ‘tuhan e, nyeni ninoyam kin mindhe di hi pijuk bigyo noro apingok nyeni ningonti ba, nibit ahyet tu. Nogindini nitin ei mem ningkwei hanyen ndam Na. Gima rino nyende tuhan Allah e, ma aya um nye.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

YEREMIA 33:10

tuhan pai “Tungwatu nya ipai biyam bipia minu ndig dini dem kep iggum ndigsi ba, tungwatu nya kin mindhe-ndhe nya igibong ser bi. Ipaisi dima ne igbit ri. Lewo minu ndig ngot di jo ei Yehuda kin puig ngot di mbut ei minu ndig Yerusalem hagom ngwak ba, tungwatu nya kin mindhe-ndhe nya hi gi bong eisi bu bi.

YEREMIA 33:13

Gembala nya mikwop ide domba nya imangti hanyen bu ei minu ndig ngot ei hanjop nungug him kin hanjop nungug nimig kin minu Yehuda nibiho kin keret Benyamin ide hanjop nsi kin minu mien ngot di jo ttai minu ndig Yerusalem kin minu ndig nindigsi bidem minu Yehuda. Da di tuhan disimbot dat tu.”

YEHEZKIEL 36:37

Lene tuhan Di Ninyeng Jei Bibor pai “Je di mben Israel e, midisindui sut ba, jahara Da leu binhyepo dimpu je hanyen. Midibindei ba, jidigek kep mpia noyam kin domba nya di idigek bimang-mang.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

MALEAKHI 3:4

Mpe dima lene tuhan mijoi sut midut di timiei minu ndig Yerusalem kin minu Yehuda ibon ei nimbar hum dokti hanyen bak Noni bit leu nok ibon habiei nipou su.