NIBWOS-BWOS NYENTI 5:13 - ALLAH NIHYET MEM TUNGWATU NYA

¹³ Siceu nya icuk pinai pilei nya biba tig giling boho gandum ngat ba, icuk munggwom pinai nya yug rop biei di buhun cem apino imbris drek dip o!

NIBWOS-BWOS NYENTI 5:13 Iomraidhean Croise

AYUB 31:10

nnaba ditnem yem njita tut hiter bibong ei pinai hiter nibongti hak ug.

NEHEI LEUSI 1:11

Gima rino yo di igya kui Firaun ita mindor nya di iba imbuk co kep mben Israel bikes midyai di buhun bibor ei inghat dip. Suar mben Israel ingot ig gudan bousi nindig bibor ei minu ndig Pitom kin Raamses cem leu binhyepo Firaun minju ndigban ninyeng hagom eisi.

NEHEI LEUSI 11:5

Leu api Noni miyai nimai bak munggwom pinai mighumbou nya bidem jide ig bei hagom ug ri. Noni miyai nimai bina di Firaun apmot mighumbou bibie leu api binut kikau ug bipek awak sop di sibui tig huk mbrei nipmot mighumbou ba, yahagom mimai ug ri. Bitut mindhe-ndhe nipmot bou nya hagom mimai ug ri.

NEHEI LEUSI 2:11

Tirigi Musa wer pinjoi ndig tu lene ug cem kep nide adig-ajoi nya bingat lo, timiei minu Mesir nya iba imbuk bico kep yok nindig bibor. Mpe dima lene noni tou kep timiei minu Mesir gom di bui-bui nyen mben Ibrani gom di nimbier kim Musa.

NEHEI LEUSI 23:5

Gino jide siceu nide keledai mbut tut ndigban di buhun bibor di bindei ba, tti ug ei dihyeisi lene jikon tut noni. Ma jikes noni ei bijimbut leu hak au.

YESAYA 47:2

Aba tig huk mbrei di nindig bisibui tepun bindung. Akau minghas di abinggai kep abou a. Akon ade sinsun inyinai kui leu na ba, amig ngon ndigsi jo hak leu api abisigon minyei ug ei nite hi.

YESAYA 58:6

Noro niyem njita bi mem nituti poi di dingon llei sut rinok gini. Ma jico kep tungwatu nya ba, jipai kep yok ei nikei noho bei bu au. Lewo gima dem kep nok lante di biteu ikimam kin mun di buhun tak yok. Ma jikes yo di isima hukum mikuisi nya ba, imbut hak.

YEREMIA 7:18

Munggwom nya irop biei ba, pinai nya ibindig hum. Leu api sop nya ibon tepun nok roti mem ide kwar di ikuk yok bak di ijem ninyeng bipia Nibou Ndig Sop Gwamti. Lene ibon midut nisiber ba anggur ningei bak nung nindigsi nya cem leu binhyepo ibindei ba, dingon buhun.

MATIUS 23:4

Ibidip huk tungwatu nya tut mun di nggruk bibor ba, itri tut nidimig sutti nya di buhun tak yok noro isu inda bikon tut yok bi.

NIJAM NIKEI NYA 16:21

Lene mben Filistin ikat noni bitak niyai. Lene ibuwak noni ug ei Gaza leu api iba lante ngkimom-tembaga biteu nimig-ninda ei ide ig bui nsi. Ei sirima lene noni yai kep midyai gi sibui tig huk mbrei di nindig bibor.