Biblia Todo Logo
Bìoball air-loidhne

- Sanasan -




NIBWOS-BWOS NYENTI 4:7 - ALLAH NIHYET MEM TUNGWATU NYA

7 Nipou yo ne nyende nibou nya ipwoi kei bidem binggum tiei di pwoi-pwau o! Ingut ndig ngat. Mimbri kui ingkek ba, isindem bibor cem inghuisi kwes kei o!

Faic an caibideil Dèan lethbhreac




NIBWOS-BWOS NYENTI 4:7
15 Iomraidhean Croise  

Mas kin tig permata di nibok kak bibor cem nibok gi noyam kin ningon ki nibok de bi.


Ningon ki nibok kak bibor dor njiriek bor ningwoi ei minyei jou kin kisina di jimjit bibor kin sriou tiei njep yahagom ibok bu.


Ma asindui sut ba, nyeni nipmot bat nya idem kep ndia kioi di hei bindig nut mem nijam di ipilei ug. Ba, nipmisop bat nya idem kep dihim di ubbu ngat di ibimau ig nibou ndig de nuhuisi nya.


Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.


Ba, ingat mben Israel ide Allah. Noni ya niyati ei mpia di sur yam di nok tig nilam nimma nindig bibor dip ba, dem kep nok mpia-bbed him mem mpia ngeisi.


“No di dingon ngakei ne mot ubbu di mimbri kui ningkek ba, dor njiriek pinai nindigsi di ibou sribu simnai ri.


Nimig dem kep cou di iba tig marmer di tiei kei bibon ba, ibicom nikiou di iba mas di pimbai kei bibon. Danti njem dinghuisi kin dinnei sindem bibor bidem kep nok biei buom njem di jei bibor ei nungug him ei minu Libanon.


Tirigi tto bou dem lene noni ngat bou niyai him bipia inghuisi kwes kei ba, isindemti nindig bibor dor njiriek nindigsi di igyem njita di nibou ndig de ig bei nsi nya igyem kep.


Noni miyai ninyeng di jei ei Allah niyai him. Ma noni dut ba anggur ngei kin mun di pu tungwatu nya au. Ninnei Gi Kwes misrek kwei ei ningonti nipou tirigi nipmem srek tut bigyo.


Niabiati asrek tut apmot lene ma akos nibou nta au. Lewo tuhan dimig apmot ei mem Nonti ba, noni micoi bit nimpung nazir habiei leu nipmem ninghopti. Noni mikinyon ei midyai dino teu mben Israel bingwes ngun leu mben Filistin indati.”


Noro pai bida bipia jei bi lene midisrek tut munggwom nipinai. Lene pai ser da bipia mididut ba anggur ningei kin pes au. Lene ma diyem njita di tungwatu nya ipigig ser au. Lewo Allah dimig dipmot ei mem Nonti nok no di coi bit nimpung nazir kikau bipek niyaijo ningwig honti.”


Apino Simson mbot kep brei binoni tut nide nisindemti nibousi bipai “Dibet dibou nta jei ba, hi kos bi sren. Dicig dipmem idimig da ei mem Allah habiei dimien nok no di coi bit nimpung nazir. Gino hi kos dibou nta lene gima mibindei ba, dinghuisi jet dem kep nok tungwatu nindigsi nya.”


Gima rino Isai cuk tungwatu nya ba, hi ug buwak Daud kwei. Isai nipmot dini ubbu bibor ba, ninghuisi kei bibor ba, niyai nggrop mbris kei cem. Lene tuhan pai bak Samuel “No dini ne no di didimig ei su ri! Ma ata noni!”


Lean sinn:

Sanasan


Sanasan