NIBWOS-BWOS NYENTI 4:22 - ALLAH NIHYET MEM TUNGWATU NYA

²² Jikan bipia Sion tug ndei hukum drek dip sisar di bon nya tu noro nogindini tuhan misindui sut nye ei bi ba, micom nye ug ei ningkiaisi bu bi. Noro tuhan mikes hukum ei na di Edom dip! Noni mihit ade sisar nya bijo nibreisi!

NIBWOS-BWOS NYENTI 4:22 Iomraidhean Croise

MAZMUR 137:7

tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YESAYA 60:18

Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

YEREMIA 33:7

Midibindei timiei Yehuda nya kin mben Israel ba, iwer yok mipbor ngat nok gi nipou pima bu. Yoni mikiju bigya nok Ditde limwa nya hanyen bu.

YEREMIA 33:8

Midipiap ingonti leu sisar di ibon tut Da bidikos ser ide sisar nya kin ide naham nimbuk kep Dati nya.

YEREMIA 49:10

Noro dicok tut yo di intun Esau him ide mun di ima nya hagom bipwoi hak leu yok. Lene dikwek mimun tut ide mpia di iku yok eisi nya tut yok apino dem mem gima iku yonti bu bi. Dibindei sar mben Edom bitut ide bat nya kin yo di ibong dideu yok nya yahagom tu ba, hi di ningwes ngun bi.

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

NIBWOS-BWOS NYENTI 4:21

Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

YEHEZKIEL 37:28

Tirigi diwin Ditde Ig di jo ninno bijo kikau ei ikieti lene mijo nibreisi mem ngkiai nya yahagom bipia Da di tuhan didimig mben Israel ei ba, inok Ditde limwa nya.”

YEHEZKIEL 6:12

Yahagom mitug ndei Ditde nigga biborti. Yo di ibong ei ingkiaisi micut ei ninggwenti leu api imai. Yo di ibong dideu mimai ei pranti. Lene niken di jo mimai inggum.

OBAJA 1:10

“Jiba nisibutti biyai jide adig-ajoi di intun Yakub him. Gima rino jide nitok nya mibindei sar je ba, ighyet kinei sut je mem nijam di jei.

MALEAKHI 1:3

Noro dingon mpo tut Esau bitut yo di intun noni him. Dibindei ba, Esau de minu di bon mbigdip nya timek bingwig ba, dikes minu dima hagom ei mem mindhe-ndhe bigbehei nya ba, ilus-lus nyen eisi.”

MALEAKHI 1:4

Gino yo di intun Esau him icuk yam bipai “Ide minu dini timek bingwig su noro jikwei ba, iwin hanyen bu.” Leu api tuhan buhup “Nnaba iwin ide minu hanyen hak ug leu api dibindei ba, hagom timek bingwig hanyen bu. Tungwatu nya mijem minu dima ‘Minu Di Kinei’ kin ‘Mben di itug ndei tuhan ningon sibui sut yokti bijo ninno bijo kikau.’ ”