NIBWOS-BWOS NYENTI 4:21 - ALLAH NIHYET MEM TUNGWATU NYA

²¹ Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

NIBWOS-BWOS NYENTI 4:21 Iomraidhean Croise

NITRITI 36:28

Lene Disyan nok pung di mben Us kin mben Aran intun him.

NIBOHON MBEN ISRAEL GI NICAN 28:19

tuhan bindei ba, mun di buhun bibor cut igkep timiei Yehuda nya lewo Ahas di nok nibou ndig mem timiei Yehuda nya ba ninghim bak tuhan lene bie tut ninyeng tak kepti mungkun kei bi cem.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

MAZMUR 137:7

tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

YEREMIA 49:12

Yo di idem mem gima itug ndei hukum bi nya itug ndei hukum tu. Gi nok lene mijitug ndei hukum bi e? Ningat ne jeni cem mijitug ndei hukum!

YEREMIA 49:7

tuhan Di Sindem Bibor pai sut mben Edom “Mben Edom ipmem bat nya imiep ingon ba, ingon ki bi cem e? Bit bon yo di ipingok kep ingonti ipingok ingonti bu kan bi e? Ide ningon ki pror leu yok tu e?

YEHEZKIEL 25:6

tuhan Di Ninyeng Jei Bibor pai “Ma jibien-bien nyen ba, jittem-ttem nyen jinda lene jibiyai nillei. Ba, jingon kei kep minu Israel.

YEHEZKIEL 25:8

tuhan Di Ninyeng Jei Bibor pai “Mben Moab ipai bipia mben Yehuda dima yok inoyam kin ngkiai nindigsi nya.

YEHEZKIEL 26:2

“Na di tungwatu di ayaijo kikau bi e, timiei Tirus nya imbos-hi-mbos ba, ibipai ‘Minu ndig Yerusalem timek tu o! Nide nisindemti nitri-nipek munti cut hak tu o! Noni miba nisindemti bibingon nye bu bi o!’ ”

AMOS 1:11

tuhan pai “Timiei minu Edom ibon sisar ninyen. Ide sisar dima bindei ba, dikes hukum ei yok dip. Lewo ingondut ide bat mben Israel bi noro iba ingon di sibui birop biyok tug hon pran di ikon bit yok kikau.

OBAJA 1:1

Srat dini ne nimbot kepti di Obaja tri tut tuhan Di Ninyeng Jei Bibor nihyet di sok bak mben Edom ri. tuhan pinak Nide awak di itri tut nihyet bak ngkiai nya leu api nyeni imiap tut nisok nihyetti di itri tut bipai “Ma jitin ei mem gima jikon pran! Ma jikwei ba, igya kep minu Edom bihwen!”

MIKHA 1:11

Je di timiei minu mien Safir e, ma jiba jingat ngu kin jimmai sut jenti bimbut bihigom ug ei jingkiaisi. Timiei minu mien Zaanan ibrim ingkek mem gima yehei leu ide minu bi. Tirigi jimiap tut timiei minu mien Bet-Haezel di ipim kui jei sut nimai ne mijo nibreisi mem je bipia bit bon jigwam coi minu dima hanyen bu kan bi.

HABAKUK 2:16

Nogindini bon nituti mem tungwatu nya ikon jinyeng bi noro bon nituti mem jimmai sut jenti sindam. tuhan mibindei ba, jidut ei gi mokti di hukum joti noyam kin jidut ba anggur ngei di pu je. Tirigi jidut bingwig ne jintig kibi-kibou yam nyen.

NINGAT-HI-NGAT NYA 16:15

“Jimiap e! Midihwou timon je dem kep ninggimang kep mun cig. Bikwop no di niyai ngkiem binyohou nide sinsun ne no dima ningon nggei-hi-nggei lewo ba ningat ngu bimbut bi. Leu gi bi ne mimmai sut nonti ei tungwatu nya igyai him.”