NIBWOS-BWOS NYENTI 4:20 - ALLAH NIHYET MEM TUNGWATU NYA

²⁰ Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

NIBWOS-BWOS NYENTI 4:20 Iomraidhean Croise

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

NITRITI 44:30

Andigpoi e, gino dingkwei hanyen ndam dicig lo, dibuwak dikinjoi ndrim bibit da bi lene dicig mimai drek dip noni lewo dicig ningon ngakei nipmot ndrim nindig bibor.

SAMUEL GI NICAN 1:14

Lene Daud pai kep “Nggon rino abrim angkek dino ayai nimai bak nibou ndig di tuhan ta i?”

SAMUEL GI NICAN 1:21

We, Nungug Gilboa e, jingig jitingou mem dihyet. Handei kon ba, mpia but ba, nggou llet ei jide mbigdip nya au. Handei kon ba, jide beisi nya hagom nok iggum ndigsi. Lewo yo di mimbri kui ingkek di ikon pran kan nya ide mun di ibipukep ser tibor ninggwenti nya hagom kroi ei sirima. Prab yem Saul de mun di bipukep ser tibor ninggwenti nya ei sirima ba, hi ba mini bidip bu bi.

SAMUEL GI NICAN 18:3

Noro ibuhup “Andigpoi e, ma abit nye au. Gino nye di tentara nicut bak yoni ba, ninang leu yok cem nimang nitug ndei nimai cem lo, ide siceu nya mingon cut hon bi lewo ikos tut bipia migyai nimai bak na di Andigpoi lewo abon anyeng bou yo dima igyai him ba, nangkom noyam kin nye di tentara nibou sribu simnai. Nna ba atum angon ei minu ndig. Gino nisuar mun di nibikon pran hi kin bu lene apinak gima hwou binye.”

SAMUEL GI NICAN 19:21

Lene Abisai di Zeruya nipmot pai “Ma Simei tug ndei nimai lewo noni mbriom nibou ndig di tuhan ta ei su.”

NIBOHON MBEN ISRAEL GI NICAN 35:25

Mpe dima lene Nabi Yeremia ba doia ningon ngguk tut gom bikiek Nibou Ndig Yosia ei nimaisi dima. Ba, pinai nya kin sop di ipai doia igkei nya ikrau kep doia dima mpe di ibon midut nibiyok ngon kep ningon di ngguk tut Nibou Ndig Yosia kikau kwei bipek ammani kep ba, ibindei coi doia dima ei nimpung srat doia nibwos-bwos nyenti.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

YEREMIA 39:5

Noro tentara Babel yuhuk bram yok ba, ikat Zedekia ei briep bou him dideu minu ndig Yerikho. Leu api ibuwak noni bak Nibou Ndig Nebukadnezar ei minu ndig Ribla di jo hanjop Hamat leu api noni tug ndei hukum nimai.

YEREMIA 52:8

Noro tentara Babel yuhuk bram Nibou Ndig Zedekia bikat noni ei briep bou him dideu minu ndig Yerikho leu api tentara Yehuda yahagom ikes Zedekia ei binang ningwig leu noni.

YEREMIA 52:9

Leu api tentara Babel ibuwak Zedekia ug ei Nebukadnezar noho bei tirigi noni ningat rin ei minu ndig Ribla leu api Nebukadnezar kes hukum ei noni dip.

NIBWOS-BWOS NYENTI 2:9

Ngug tig di lus dima dram dimbou pmem nya ba, mun di ibikibi dimbou nya dahat ningwig o! Nibou ndig kin yo di igya kui noni di inyeng tak kep limwa nya isima ug ei ingkiaisi o! Imam nya iba tuhan de nicukti nya bingginau limwa nya bu bi o! tuhan sindui sut ba, nabi nya ingat ningat-hi-ngat hi bu bi o!

YEHEZKIEL 12:13

Noro midicom Ditde jala ser leu api dibikat noni. Leu api midicom noni ug ei minu Babel. Noni mimai ei sirima leu ba, ngat nitimieisi di nang leu bu bi sren.

YEHEZKIEL 17:18

Gima drek dip gi nibou ndig minu Yehuda di pigau nehengti kin nipreu ei mem nibou ndig minu Babelti pima ri. Gima rino bit bon noni nang ba, hallu leu nide siceu nya inda nsi kan bi.

YEHEZKIEL 31:17

Yoni minjei bit ug ei minu nimai nya ide ba, ibicom yam bit biei di tti bicut nipou su nya. Lene yo di nipou yo igwam coi biei behei dima yahagom intek gimahap bibong ei mben ngkiai nya ikieti.

DANIEL 4:12

Nimeng nggrou ba, ningat di kei-kau-kei ntun him. Ningat dima mang bibor bidem mem tungwatu dihyeisi dini hagom ipuk bigyem. Mindhe-ndhe di yehek bi nya ikkou bibong igbit nohousi. Ha nya cem itot yaham bidem ninda nya ba, mun di ninnei tau nuhwap nsi ninyeng hagom igyem ningat di ntun him nya cem.

HOSEA 13:10

Jahara Da tut nibou ndig kin no di bie tut je nipou su noro nogindini yoni yuug ei siritou i? Isindem mem gima iteu je bijingwes ngun e?

NIJAM NIKEI NYA 9:15

Lene cibou nggwen dima buhup ‘Gino jahagom jice tut yam bipia dinok nibou ndig mem je lene ma jinduk yam bijigwam coi da. Gi bi lene mbigom hum di cig-cai misror kwei leu ditde ninda-nda nya biyem baham bitut buom Libanon nya.’ ”

SAMUEL GI NIGOM 12:3

Nogindini diya hak ei joho bei. Gino dipigau hanjop hi tu lene ma jipai kep da bou tuhan kin nibou ndig di Noni ndo ei su igyai him. Gino dimbrai hiter de sapi kin keledai lene ma jipai igbit. Gino diris hi bidimbuk tut hi ba, hi ba mitiei bingot kep da cem lene ma jipai igbit leu binhyepo dingkwei mun dima yok hanyen bak niceu.”

SAMUEL GI NIGOM 12:5

Gima rino Samuel pai biyok “Njap di ammani ne tuhan kin nibou ndig di Noni ndo ei su yahacem imiap jibuhupti ba, jo nibreisi bipia dingon ngun.” Lene yo dima ibuhup “I, tuhan miap nyeni nihyet tu.”

SAMUEL GI NIGOM 16:6

Tirigi yahagom induk yam kwei su lene Samuel ngat Isai nipmot Eliab bikan “No ri! tuhan dimig noni ei su.”

SAMUEL GI NIGOM 24:10

bipai binoni “Nggon rino na di Andigpoi aba angon com yo di itri tut bipia midimbuk tut na ighyet i?

SAMUEL GI NIGOM 24:6

Lene Daud ningon hukti tut niyai munti dima.

SAMUEL GI NIGOM 26:16

Abner e, agibindei mbut ade midyai haigtu bi! Deheng bitug hon tuhan di niyaijo ninyeng bipia dem mem gima jitug ndei nimai lewo jigiya ser jide Andigpoi di nibou ndig di tuhan dimig ei su dima haigtu bi o! Ma jiput-put nyen ttai je bijinggok ser nibou ndig de micim kin dibijig di dut minyei eisi po jo dideu nibousi pima i!”

SAMUEL GI NIGOM 26:9

Noro Daud buhup “Ma angget noni au. tuhan mikes hukum jit-jau ei no di bon mun kinei sut nibou ndig di Nonti dimig ei su dima dip.”