NIBWOS-BWOS NYENTI 4:17 - ALLAH NIHYET MEM TUNGWATU NYA

¹⁷ Nicem kep ser puig kikau biniyai mpo. Nibet ningon mem yo di mikwei mpu nye noro hi gi kwei mpu nye bi ug o! Niba ningon com mben hi di mimpu nye lo, mben dima yok hi bon mun nyeng di bahati tut nye bi sren o!

NIBWOS-BWOS NYENTI 4:17 Iomraidhean Croise

YESAYA 20:5

Yo di iba ingon com mben Sudan ba, inggei sut mben Mesir cem ne minso ba, ide niba ningon com yo dimati mitimek hak.

YESAYA 28:18

Mididip tut jide nipreu ei bit nimai kin jide nipreu ei bit minu nimai nya ide cem apino mun di buhun bibor micut igkep je.

YEREMIA 2:18

Nggon rino jibisau ug ei minu Mesir i? Mijidut Minyei Nil ningei e? Nggon rino jibisau ug ei minu Asyur i? Mijidut Minyei Efrat ningei e?

YEREMIA 2:36

Jidor haninyai ndam ngkiai nya ide kwar nya ba, jahara yok leu binhyepo impu je! Noro mben Mesir mibindei ba, jingon ngkwei leu yok dem kep nok gi jingon ngkwei leu mben Asyur.

YEREMIA 2:37

Mijiba jingon di ngkwei leu yok kin gi jiba nimmai sut jenti bikes minu Mesir ei ba, jingkwei hanyen. Da di tuhan dikou sut yo di jiba jingon com yok dima. Gima rino yoni mimpu je bi sren.”

YEREMIA 8:20

Mben Israel yahara “Nijam nikos gandum kui ig gudan kin nijam ngei ndung cut njiriek tu. Noro igingwes ngun cem bigyo.”

NIBWOS-BWOS NYENTI 1:19

Dijem tentara di itti kin da pima yok lo, yaham imbuk kep da o! Imam nya kin nibou mien nya yahagom inggok njita mem gima igyem bibahati tut igyaisi noro imai kak simpak bidem minu ndig dini tu o!

NIBWOS-BWOS NYENTI 1:7

Niabiati minu ndig Yerusalem lus tu ba, tug ndei niwei-nidut leu lene timiei nya ikan-kan nyen tut nijam gi nipou di ima ndigban nindig yo pima o! Tirigi timiei nya icut ei siceu indati lene hi di kwei mpu yok bi o! Yo di ihwen yok nya ingat ig dima nittiti lene ipa ndip yok drek dip o!

NIBWOS-BWOS NYENTI 5:6

Nuug hara ninggum ba, nibicuon niyaisi ei minu Mesir ninyen lene nuug hara njita ei minu Asyur o!

YEHEZKIEL 29:16

Mben Israel yahara jeni mem gima jimpu yok bu bi. Mben Mesir e, mun di cut igkep je dima mibipingok mben Israel ingonti bipia ikiowi bibor tut gi iba ingon com je di mben Mesir. Leu api mben Israel mikan tut bipia Dani ne tuhan Di Dinyeng Jei Bibor ri.”