NIBWOS-BWOS NYENTI 4:14 - ALLAH NIHYET MEM TUNGWATU NYA

¹⁴ Nibou mien nya ei minu ndig Yerusalem idem kep no di niyai tu di tibap-tibap nyen kak simpak nya o! Nimbiam nggrom rus sinsun di ide nya apino tungwatu nya ikou sut gima ingget yok o!

NIBWOS-BWOS NYENTI 4:14 Iomraidhean Croise

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 26:8

Tirigi dikes dihyet tut tuhan nicuk dati nya hagom tu lene yo dima ikat da kros ba, ighyet ngwig kep da bipai “Suar ma ayai nimai drek dip ahyet di atri tut dima.

YEHEZKIEL 23:45

Noro yo di ingon sren nya migwam nok nikei mem yok bimbus yahacem ingonti drek dip ide nicut tut pinaisi nya kin niyai nimai bak tungwatuti nya cem. Ningat ne yoni igyai mun tunggwei su.”

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

ZEFANYA 1:17

tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

MBEN ISRAEL IMBUT-MBUT NYEN 19:16

No di ngget nimbiam ngut kin no di ngget no di nonti mai ningut ei ngoi dumti lene map kuisi kikau ei ninsi njap muhwindacan. Nicukti dini mem no di ngget jui dip kin nimai njum nya cem.

MBEN ISRAEL IMBUT-MBUT NYEN 35:33

Gino jisindui sut noni nok gima lene jibindei ba, map kui dihyei di jibong niti. Nihwen nimbiam ninggrom bindei ba, map kui minuti. Ba, puig hiter mem gima jibon midut di bindei kwes dihyei dima ningat rin bi noro tug hon gi jikus no di hwen nimbiam dima ninnei leu he.

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

EFESUS 4:18

ingon tindur mpung tut nidinditi. Yoni inggre kin niyaijo nijep di Allah yai binye bi lewo ingon dorti tut mun di bitut Noni bi ba, ingkek ndok.