NIBWOS-BWOS NYENTI 4:13 - ALLAH NIHYET MEM TUNGWATU NYA

¹³ Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

NIBWOS-BWOS NYENTI 4:13 Iomraidhean Croise

YEREMIA 14:14

Noro tuhan buhup “Nabi dima yok iba dinyeng biris mun he. Dipinak yok ba, diyai nicukti biyok bidimbrap bit yok cem bi. Ningat-hi-ngat nya di ingat di isimbot kep nya kwei leu Dani bi. Ide nimbot kepti nya kwei leu yonti ingon kanti he ba, bon ninyeng bi.

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 11:6

Jiyai nimai bak yo di imang bibor ei minu ndig dini tu apino puig hagom mpung tut nimbiam ngut a.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

MATIUS 23:31

Leu api jipaisi dima ndo brei bipia jintun yo di ikimukep nabi pima yok him!

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.