NIBWOS-BWOS NYENTI 4:10 - ALLAH NIHYET MEM TUNGWATU NYA

¹⁰ Mun di buhun di cut igkep ditde limwa nya buhun bibor apino sop ndig di isingat kei sut imunggwom bat nya ikwen yonti imunggwom bat nya bigyem kep inghop di wam bibor ug o!

NIBWOS-BWOS NYENTI 4:10 Iomraidhean Croise

NIBOU NDIG NYA GI NICAN 25:3

Ug ei hon njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem nindig bibor ba, njita hagom ngwig leu yok tu,

YESAYA 22:2

Ma jahagom ei minu ndig jibon pesta nya bijiba jingon di nggei-hi-nggei bimbos-hi-mbos au. Lewo jide tentara nya di imai ei pranti dini imai drek dip gi ikon pran bi.

YESAYA 49:15

Gima rino tuhan buhup, “Bon gima sop hi ningon prion ser nimunggwom e, he ngondut no di noni srek tut bu bi e? Mbro nok gino sop hi ningon prion ser nimunggwom lo, midingon prion ser je kan bi sren.

YEREMIA 19:9

Jide siceu nya migyon ttai minu ndig dini bihwen kep timiei nya yahagom. Mun di buhun bibor di cut igkep yok mibindei ba, tungwatu nya mibui ide tungwatu di inttig-tta kin imunggwom bat nya cem nok mikwau.”

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

NIBWOS-BWOS NYENTI 3:48

Diyai nggwei biam bidem minyei drek dip ditde mben di itimek tu.

NIBWOS-BWOS NYENTI 4:3

Lo, nsien bigbehei yai nido bak nimien nya noro ditde limwa nya isibut bibor bidem kep ha unta di mbuk tut nide nimien nya lewo sindui sut nidinggwei bijo ei iggum ndigsi o!

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

IMAM NYA IDE MIDYAI 26:29

Ninggum di buhun mihwen jeni leu api mijibui jimunggwom bat nya bijiyem kep jinggumti.