NIBWOS-BWOS NYENTI 3:40 - ALLAH NIHYET MEM TUNGWATU NYA

⁴⁰ Jikwei ba, imbus nyenti ingonti bingat igyai munti nya leu ba, ittin ser ide sisar di ibon tut tuhan Allah ei gwamti.

NIBWOS-BWOS NYENTI 3:40 Iomraidhean Croise

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

NIBOHON MBEN ISRAEL GI NICAN 30:9

Gino jingkwei hanyen bijinok awak mem Noni lene Noni mibindei ba, mben ngkiai po ikat jide adig-ajoi nya bikri yok ug ei isimati tu pima mingondut yok ba, mikes yok bingkwei hanyen kwei ei itimieisi yo. Jide tuhan Allah ne Allah di ningon nggriu rin ba, ngondut tungwatu nya cem. Gino jingkwei ndam Noni lene Noni micigit jeni ndam Nonti hanyen.”

MAZMUR 119:59

Diba dingon bisrip huk diyai munti nya bidipreu ei mem Na bipia midibit Ade nipingok dati nya.

MAZMUR 4:4

Ma jiyok ngon kep bipia Tuhan dimig yo di ingon kwes nya ei mem Nonti tu. Mpe dino dahara tuhan lene Noni miap ditde nadi.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEHEZKIEL 18:28

Ningon hukti tut niyai munti di mbuk leu api mbres nonti leu. Gima rino noni tug midut bi noro hek tut niyaisi.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KORINTUS GI NIGOM 11:28

Gima rino ma bikwop tungwagom-gom mbus nonti ningonti nipou ug e. Leu api yem roti bidut ei gi mokti.

KORINTUS GI NIGOM 11:31

Gino imbus nyenti ingonti nipou ug e lene Allah kes hukum ei nye dip bi.

KORINTUS GI NICAN 13:5

Ma jibinai yam ngonti leu binhyepo jinggok tut gino jiyai munti nya ntun jide niba ningon com Kristusti him! Jikan tut mungkun bipia Kristus Yesus ningat rin ei jingonti e? Gi bi ne jingon jo kep Noni mungkun bi.

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.