NIBWOS-BWOS NYENTI 3:37 - ALLAH NIHYET MEM TUNGWATU NYA

³⁷ Gino tuhan kos tut ningon kanti tut mun nyeng hi bi lene bit bon tungwatu nya igyai mun di njiriek ningon kanti dima kan bi.

NIBWOS-BWOS NYENTI 3:37 Iomraidhean Croise

SAMUEL GI NICAN 16:10

Noro nibou ndig pai bak Abisai kin nikindig Yoab nya “Nok ug e. Ma jingon kui mem gi jiyai hukum bak au. Jisindui sut ba, noni mbriom da hak. Leu gino tuhan bie tut noni nok lene tou ridem mem gima hig ser Noni tut i?”

NIBOU NDIG NYA GI NIGOM 22:34

Noro tuhan bindei ba, tentara Siria gom pilei tibor hammi nide siceu nya ariwace lo, tibor dima tibim Ahab de sinsun pran ninggreti bindei noni. Lene Ahab hara no di krau nide kroba pran “Tibor gom ndei da tu! Akiek kroba tut sa ba, soom sa leu pran hak ug!”

NIBOU NDIG NYA GI NICAN 6:33

Nipou tirigi Elisa kes nihyet bigyo lene nibou ndig dima kwei krau bipai “tuhan bindei ba, mun di buhun bibor dini cut igkep nye! Nggon rino dibet dingon mem gima Noni yai nibou bingondut nye i?”

AYUB 10:13

Noro tini bu ne dikan tut bipia atin ei angon kanti nyahan mem da ei nijam pima leu binhyepo akes mun di buhun ei da dip.

AYUB 2:10

Noro Ayub buhup “Mbenjen! Ambrap nok mibbwe mbrapti! Mpe di Allah njei mun di kei bak sani lene siyai leu Noni lo, mpe di Noni yai mun di buhun bisa lene sikou sut e?” Mbro nok gino mun di buhun bibor cut igkep Ayub tu lo, nihyet wer mpiahi tut Allah bi sren.

NEHEI LEUSI 10:10

Lene Firaun pai “Bit bon disindui sut gima jibuwak sop nya kin jimunggwom bat nya bibit je kan bi! Lewo gima noyam kin gino jihig da bidingat nadi leu binhyepo tuhan minjei mun di kei bak jeni. Jo nibreisi mem da bipia jahagom mijikiek jimig jou tut da ug ri.

NIPINGOK NINGONTI 16:9

Nyeni itin ei ingon kanti nya noro Allah kos tut puig di kei mem nye.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

ROMA 9:15

Lewo Noni pai bak Musa “Dingon nggriu sut tungwa tou rino didimig ei su ba, dingondut tungwa tou rino dingon llei sut.”

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.