NIBWOS-BWOS NYENTI 3:25 - ALLAH NIHYET MEM TUNGWATU NYA

²⁵ tuhan singat tut yo di iba ingon com Noni kin yo di inggok tut Noni.

NIBWOS-BWOS NYENTI 3:25 Iomraidhean Croise

NITRITI 49:18

tuhan e, dimem kep ser tto bou tirigi akwei teu da hak!

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 19:3

Mbro nok gima lo, nibon munti di kei no ntun Na Di Andigpoi him yo. Acok tut cou dihim di kwar Sop Asyera de limwa nya ikuk yok bak nya hagom ba, abrim angkek mem gima ayai munti dem igbit Allah ningon kanti cem tu.”

NIBOHON MBEN ISRAEL GI NICAN 30:19

“tuhan Allah di nidigup bat-nidigai bat nya ikuk yok bak e, mbro nok gino yo dini ibindei pwoi yonti bigyo lo, ma akos ser yo di iba ingon titut bikwei kuk yok biNa dini ide sisar bit leu Ade nisingat tut tungwatu nyati.”

NIBOHON MBEN ISRAEL GI NICAN 31:21

Ningat di kei ntun him mun di Nibou Ndig Hizkia bon nya hagom. Lewo ba ningon di gom kin ningon di ngakei nide tuhan Allah bibindei mbut midyai ei tuhan De Ig bibit tuhan niggai serti nya cem.

EZRA 8:22

Dikan bipia bibou dahara nibou ndig bikes nide tentara di iba kuda di ibri nya bikon pran kan nya bihi ba, igya ser nye leu siceu nya kak puig sinon dima noro dimmai sut. Lewo dipai binoni nipou su bipia bikwop tungwa tou rino ba ningon com nyende Allah lene Noni minjei mun di kei bak no dima. Noro Allah ningon mpo tut bikwop tungwa tou rino ba ningon di gom bikuk no bak Noni bi leu api mikes hukum ei no dima dip.

MAZMUR 105:3

Noni ne tuhan di ninyeng jei ri. Jikwei ba, ingon llei bibor lewo Noni nyeng tut nye. Ma yo di ikuk yok biNoni ingon llei bibor.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

MAZMUR 25:8

tuhan ndo puig bak yo di israwir nya lewo Noni kei ba, ningon gom cem.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MAZMUR 27:8

Tirigi ahig da hwou mem gima dikuk da biNa lene dibuhup “tuhan e, dibipbur bidihwou kuk da biNa,

MAZMUR 37:34

Ma jiyok jingon mem tuhan bijibit nihyet leu api Noni mikon jinyeng leu binhyepo jiba jekep jidihyei. Noni mihwen yo di isibut nya bingwig bou jiyai him.

MAZMUR 37:7

Ma jiba jingon di jo nyahan bimem kep ser tuhan bijibet jingon mem nikwesti dima Noni yai nibou tut. Ma jingon mbut-mbut nyen tut yo di ibikum ei ide mun di inyeng tut nya kin yo di iris igkei nya au.

MAZMUR 39:7

Ba, igyaijoti dem kep ningwes di kigyei he. Mun di ibou sibui sut nya hagom mikui-kausi he. Inju ndigban keyam lo, tirigi imai ne igikan tut tungwa di miba nokep ndigban dima cem bi.

MAZMUR 61:1

Doia Daud mem no di bie tut doia nimpung di ikek nggong mbrei.

MAZMUR 61:5

Asindui sut ba, digwam bit Na ei Ade prak meng bijo kikau mem nijam di diyaijo ei dihyeisi dini bidigwam coi anyehei behei.

MAZMUR 69:32

tuhan mijoi sut diyaisi dima nindig bibor dor njiriek midut nindig mindhe kep humti kin midut nindig sapi nikre di mahan ei nimbar hum dokti.

MAZMUR 71:14

Noro midiyok dingon mem Na kikau. Midikon anyeng bikum eisi bibor bu.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 40:31

Noro yo di iba ingon com tuhan migyai nisindemti di nijep bu. Yoni inok hacam krubrig di ba ninyehei di nyan biko-ko nyen ei anai. Mbro nok gino yo dima idor sindem lo, inghuisi wei bi. Mbro nok gino imig dia mem nimbut nya lo, ibiau dut cem bi.

YESAYA 55:6

Ma jingkwei hanyen ndam tuhan lewo Noni bon nikwesti mem je ba, jingat nadi bak Noni lewo Noni dideu je.

YESAYA 64:4

Ter leu Nani lene tungwatu nya ingat kwar di yai nibou tut yo di iba ingon com noni noyam kin Nani bou igyai him ba, imiap ninghapti cem bi sren.

NIBWOS-BWOS NYENTI 3:26

Gima rino nna ba nyeni yoom ingon bigwam nyahan bibou tuhan kwei mpu nye ug e.

HOSEA 10:12

Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

YAKOBUS 5:7

Gima rino disut bat jen, ma jibet jingon mem Tuhan nikwei hanyenti. Dem kep nok no di ndim ningan di bet ningon kikau ba, njita len kep. Noni bet ningon mem bed di biang mpia di but kwei kin bed di biang bigeda.