NIBWOS-BWOS NYENTI 3:24 - ALLAH NIHYET MEM TUNGWATU NYA

²⁴ tuhan ne ditde ndigban gom ngat di dingon ce bi rin! Gima rino diba dingon com Noni!

NIBWOS-BWOS NYENTI 3:24 Iomraidhean Croise

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

AYUB 13:15

Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

AYUB 22:25

Ma asindui sut Allah Di Sindem Bibor binok ade mas kin ade perak di pimbai kei di bon ninyeng mem na.

MAZMUR 119:57

tuhan e, disuar Nangkom he bidipreu ei mem Na bipia midibit Ade ningginausi nya.

MAZMUR 130:7

Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

MAZMUR 142:5

Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.

MAZMUR 16:5

tuhan e, dinyeng tut Nangkom he. Ayai mun di disuar nya hagom bida ba, mun di mipek kep mem da jo nyahan ei anda bia bei cem.

MAZMUR 31:24

tuhan de limwa jen e, ma jingon ngakei Noni. Lewo tuhan nyohou yo di iba ingon di gom bibit nihyet noro ba nihig ningon ei yokti nyen bi bikes hukum ei yo di ikon yonti dip.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:5

Tirigi diyok ngon kep mpe di po diya tut disut bat kin dide bat nya binicoi ug ei tuhan De Ig mem njap ndig bidibie tut yok ne dingon ngguk bibor. Mpe dima lene nahagom ningon llei bibor ba, nipai doia cem ba, niba nimbos-hi-mbos binggei sut Allah.

MAZMUR 43:5

Nggon rino dingon ngguk bibor nok i? Nggon rino dingon buhun bibor nok i? Diba dingon com Allah. Midinggei sut Noni hanyen bu bidikuk da bak lewo Noni teu da bidingwes ngun tu.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

MAZMUR 71:14

Noro midiyok dingon mem Na kikau. Midikon anyeng bikum eisi bibor bu.

MAZMUR 73:26

Mbro nok gino dinghuisi jet bidingon bbwe lo, Na di Allah asindem tut da. Disuar Nani nindig bibor dor njiriek mun nindigsi nya hagom bijo ninno bijo kikau.

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

MAZMUR 94:19

Mpe dino dingon kku da bidingon bos-bos nyen lene agwam ser dingon ba, abiyai ningon di nggei-hi-nggei bida.

YEREMIA 10:16

Yakub de Allah noyam kin kwar di ikuk yok bak dima yok bi. Noni ne no di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa.

YEREMIA 51:19

Yakub de Allah noyam kin kwar di ikuk yok bak dima yok bi. Noni ne No di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa nya.

NIBWOS-BWOS NYENTI 3:21

Mbro nok gima lo, ditde niyok ningon memti kiju hanyen tirigi diyok ngon kep mun nyeng gom bipia,

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

NINDAT KEP TUHAN NICUKTI NYA 18:2

Harin dima yoni ima dihyei hanjop nsi noyam kin keret nindigsi nya a. Lewo tuhan Nonti ne ide mun ninda rom rin bit leu gi Noni preu ei mem yok nipou su.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.