NIBWOS-BWOS NYENTI 3:22 - ALLAH NIHYET MEM TUNGWATU NYA

²² tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

NIBWOS-BWOS NYENTI 3:22 Iomraidhean Croise

SAMUEL GI NICAN 24:14

Lene Daud buhup bak “Ayo! Buhun bibor mem dani o! Dikou sut gima limwa nya ikes hukum ei da dip a. Gima rino ma tuhan kes mun di buhun ei nyeni dip bit leu Nonti ningon kanti hak ug lewo ningon nggriu sut nye nindig bibor.”

NEHEMIA 9:31

Mbro nok gima lo, acom yok ba, acok tut yok bihigom bi lewo angondut yok nindig bibor. Ningat ne hi noyam kin Na di Allah bi. Asingat tut Ade limwa nya nindig bibor ba, angondut yok kikau!

MAZMUR 103:10

Noni kes hukum ei nye dip dem igbit ide sisar di ibon nya ba, birop binye dem igbit ide nitunggweisi nya bi.

MAZMUR 106:45

Allah yok ngon kep Nide nipreu ei mem yokti mem gima bimpu yok ba, ngondut yok lewo Nide ningon ngakei yokti nindig bibor.

MAZMUR 69:17

tuhan e, abuhup dihyet lewo akei bibor ba, aba angon gomti bingon ngakei da. Ma akiek aho kwei ndam da lewo angondut da nindig bibor.

MAZMUR 77:8

“tuhan mirok nyeni ei nitta kikau e? Joi sut nye bu bi e?

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

MALEAKHI 3:6

“Dani ne tuhan rin ba, diluei dingonti bi sren. Gima rino je di jintun Yakub him jisrawir bi.

LUKAS 1:50

Nintun himti di bram yam kikau kwei bipek ammani kep ne Allah ningon nggriu sut yo di idigit tut Noni.