NIBWOS-BWOS NYENTI 3:11 - ALLAH NIHYET MEM TUNGWATU NYA

¹¹ Leu api yon igkep da kikau ba, dikriek leu puig ug api ham-ham nyen da leu lene bikes da ei o!

NIBWOS-BWOS NYENTI 3:11 Iomraidhean Croise

AYUB 16:7

Na di Allah abindei ba, dinghuisi sindem bi. Asindui sut ba, ditde ig bei nsi nya yahagom isar tu.

MAZMUR 143:4

Dingon dahat leu ba, dingon tai-tai bou tu.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

YESAYA 3:26

Tungwatu nya migwam ei dimbou pmem ei minu ndig dima nuhui bingon ngguk bipim nggruet. Minu ndig dima ningat minok sop di juk sinsun leu di nijou hangwang bigwam ei dihyeiti.

YEREMIA 15:3

Da di tuhan dikos tut bipia hukum ninyeng bitai micut igkep yok. Yoni mikrop tug hon pran leu api nsien nya mikri ingut ba, ha nya mipuk ingut lene mindhe di iten-pos nya migya kep ingut bingwig.

YEREMIA 19:8

Mun di buhun bibor di dikes ei minu dini dip mibindei ba, yo di injiriek mpia dini mikit ibou leu binga leu sut cem.

YEREMIA 32:43

Yo dini ipai biyam bipia minu dini midem kep iggum ndigsi di tungwatu kin mindhe-ndhe ibong ser bu bi ba, ipai bipia minu dini micut ei mben Babel indati bihigom. Noro dipai bipia niabiati bu ne imunggwom bat nya miba mitiei bipek dihyei hanyen bu ei minu dini.

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

YEREMIA 6:8

Je di timiei minu ndig Yerusalem e, suar jimiap kep mun di buhun bibor dima yok hagom nok mun di bisok kep je! Leu ma dikes jeni ei ba, dibindei minu ndig jide binok iggum ndigsi leu ba, hi di mibong ser bu bi.”

NIBWOS-BWOS NYENTI 1:13

Noni bindei juk hum leu mpia-bbed him kwei biyem kikau ug ei dingon bei! Noni com bon ser bei doho bei apino bon srou da di dicut o! Leu api Noni sindui sut ba, ditug ndei ninghuisi wei bidangkom ei njap jei o!

NIBWOS-BWOS NYENTI 3:10

Noni rino bet ningon mem da nok beruang ba, dem kep singa di tindei ser da cem o!

DANIEL 7:23

No di tri tut nimbot kepti pai bida “Mindhe nibitai pima ne nibou ndig nibitai bitut nide ninyeng tak kepti di mikieng kep dihyei nisurti-nipekti di ter leu nibou ndig nindigsi yahagom ri. Ninyeng tak kepti dima mibindei sar biduhwen dihyeisi dini leu api bico kep tungwatu nya yahagom di noni bindei timek yok tu nya.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

MIKHA 5:8

Mben Israel mibindei timek ide siceu nya bicok tut yahagom ningwig a.

MATIUS 23:38

Gima rino Allah mikes jide minu ndig dini ei ba, dem kep ha ngunti ri.

NINGAT-HI-NGAT NYA 18:19

Ikam dihyei ndung ba, ibigimahap ei ibousi cem ipim cem ingon ngguk bibor cem ba, yahara “Ayo! Ayo! Notou mem minu ndig di ninyeng jei dima i? Kiten kibar nya yahagom igyai mitiei nindig bibor tug hon ndig ban di nibok kui di itri bibipek mun ei minu ndig dima. Noro ndigban di minu ndig dima nyeng tut nya hagom sar mem jam gom ngat he!”