NIBWOS-BWOS NYENTI 2:4 - ALLAH NIHYET MEM TUNGWATU NYA

⁴ Noni bon Nonti binok siceu lene kri Nide tibor nya hagom leu api ba ninggwenti binai hammi nye o! Noni yai nimai bak ide limwa di ipwoi nyeni ingon nya ningwig o! Noni pio niggati di dem kep hum kwei ei nye di nibong ei minu ndig Yerusalem dip o!

NIBWOS-BWOS NYENTI 2:4 Iomraidhean Croise

NIBOHON MBEN ISRAEL GI NICAN 34:21

“Juug ba, jihig ser tuhan mem dani kin limwa nya di ingat rin ei minu Israel kin minu Yehuda tut mun di jo srat diniti. tuhan gga nye drek dip idigup bat-idigai bat nya di ibit nicuk nyeti di jo srat diniti e, he bi e?”

NIBOHON MBEN ISRAEL GI NICAN 34:25

Yoni iba inghim bak Dani leu ba, ibui ide mindhe bibikuk yok bak nung nya. Mun nyeng di ibon nya hagom bindei ba, digga yok. Digga timiei minu ndig Yerusalem nya lene doom kep diggati dima kan bi.

AYUB 19:11

Allah ningon sibui sut da ba, bibon da nok Nide siceu di sibut bibor.

AYUB 6:4

Allah Di Sindem Bibor de tibor tibim dingutti. Mun di nok krisieu silipti tibor dima ninggwenti bipijuk dinghuisi titut yam. Allah nicut igkep dati biyai dingon ttin bibor noyam kin siceu di ittei yam mem gima ikon pran bit da.

MAZMUR 37:14

Yo di isibut nya yihit ide singau simeda biyar ide hampiap ba, ibihwen yo di indwau di yuhui mbum nya biprindei yo di ingon sren nya cem.

MAZMUR 7:13

Gino ikes hon igyai munti di kinei dima bi ne Noni tin ei Nide minggwen ba, biyai nimai biyok. Noni sien Nide singau simeda lene ba tibor bicom bisinei leu api kri Nide tibor di cig-cai bikes ei nihim.

YESAYA 42:25

Gima rino Noni kes nigga biborti ei nyeni dip apino itug ndei niwei kin nidut ei pran dicut igkep nyeti. tuhan de nigga biborti noyam kin hum di cig-cai bidem minu Israel nisurti-nipekti. Noro nyeni ingon gidorti tut mun di cut igkep nye nya di bipingok ingonti bi.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YESAYA 63:6

Diba Ditde nigga biborti di cig-cai bico kep ngkiai nya ba, dibindei timek yok leu api disiber inggrom bingwig ug ei dihyeiti.”

YEREMIA 10:20

Nyende prak meng nya rik-ta ba, kuk di nibohok nya cem hagom bitun bingwig. Nyende munggwom nya ipror bingwig leu nye tu. Hi dima hok prak meng ba, pindur minghas eisi hanyen bi.”

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 21:5

Midiba Ditde nisindemti kin niggati di cig-cai cem bikon pran bit je.

YEREMIA 30:14

Jide ningon kieti nya yahagom ibbwe ser je ba, ingon hou ser je tu. Didem kep siceu di cut igkep je bihwen je. Diba Ditde nigga biborti bikes hukum ei jeni dip lewo jide sisar mang bibor ba, jitunggweisi nindig bibor.

YEREMIA 36:7

Mpaba ahyet dima mibindei ba, yoni mingat nadi bak tuhan bittin ser igyai munti di kinei bibor nya. Lewo tuhan ba nigga biborti bicug yok tu.”

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

YEREMIA 42:18

Midisiber Ditde nigga biborti ug ei je di juug ei minu Mesir dip noyam kin gi Da di tuhan di Allah Israel disiber Ditde nigga biborti ei timiei minu ndig Yerusalem dip pima. Tungwatu di ingat jeni lene igyai ttin tut je bipai je kinei. Iba jinyeng bisigion yam cem. Leu api mijingat jitimieisi dini bou jiyai him bu bi.”

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

NIBWOS-BWOS NYENTI 1:13

Noni bindei juk hum leu mpia-bbed him kwei biyem kikau ug ei dingon bei! Noni com bon ser bei doho bei apino bon srou da di dicut o! Leu api Noni sindui sut ba, ditug ndei ninghuisi wei bidangkom ei njap jei o!

NIBWOS-BWOS NYENTI 2:5

tuhan bon Nonti nok siceu bibui minu Israel kikau bitti o! Noni ya kep tentara nibousi di igya coi nibicuon niyaisi nya bitut ig nibou ndig cem ba, hagom timek ningwig lene biyai ningon ngguk biborti bijo ninno bak timiei minu Yehuda nya o!

NIBWOS-BWOS NYENTI 3:3

Leu api bui-bui nyen da njap jei. Noni gingondut da bu bi o!

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

NIBWOS-BWOS NYENTI 4:11

tuhan kes Nide nigga biborti di cig-cai biyem minu Ndig Sion bijjem sur dihyei njek dip hak ug su o!

YEHEZKIEL 13:13

tuhan Di Ninyeng Jei Bibor pai “Midiba Ditde nigga biborti bikes hou sigau kin biget sigau kin biget di mbras nok tig njep kwei ba, dibihwen ngug tig dima bitimek hak.

YEHEZKIEL 20:34

Midindo Ditde nisindemti brei bou jiyai him tirigi diba je bicom yam ba, dibuwak je bijingkwei hanyen leu ngkiai nya ikieti ei minu hagom di dibindei bijintek gimahap eisi nya.

YEHEZKIEL 22:22

Ijet ningwig ei minu ndig Yerusalem noyam kin perak di ibindei jet bibor bikwes kei ei humti pimo. Apino yoni mikan tut bipia Da di tuhan dikes Ditde niggati ei yok dip.”

YEHEZKIEL 24:25

tuhan pai bida, “Na di tungwatu di ayaijo kikau bi e, midiyai Ditde Ig di ngkiem kei di inggei sut cem ingon kei sut cem igya bimian huk nggilun cem icem kep bit leu ingon kanti cem dima leu yok. Leu api midipos imunggwom bat nya cem leu yok.

YEHEZKIEL 36:18

Dikiber Ditde nigga biborti ei yok dip drek dip gi ihwen nimbiam imang bibor ei idihyei dima bibindei ba, map kuisi tug hon kwar di ikuk yok bak cem.

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

YEHEZKIEL 6:12

Yahagom mitug ndei Ditde nigga biborti. Yo di ibong ei ingkiaisi micut ei ninggwenti leu api imai. Yo di ibong dideu mimai ei pranti. Lene niken di jo mimai inggum.

YEHEZKIEL 7:14

Pun mbrei nibimbiti mibong lene yahagom itin ei. Noro hi dima ug bikon pran bi. Lewo Allah de nigga biborti cut igkep yahagom ser tu.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

SAMUEL GI NIGOM 28:16

Lene Samuel buhup “Gino tuhan kes na ei ba, bon Nonti nok siceu ndam na tu lene nggon rino ahig da kwei i?