NIBWOS-BWOS NYENTI 2:19 - ALLAH NIHYET MEM TUNGWATU NYA

¹⁹ Jikiju-kiju nyen mem mmun jei leu binhyepo jahara bak tuhan ba, jipai jit mun di jo jingon bei hagom bak Noni. Jahara bak Noni leu binhyepo ngondut jimunggwom bat di ninggum hwen yok di imbris inggum bidem simpak nahau yamti nya ug o!

NIBWOS-BWOS NYENTI 2:19 Iomraidhean Croise

AYUB 3:24

Ningon ngguk biborti bindei ba, dinggum bi. Dilua-lua nyen kikau buug hon nohonti bi.

MAZMUR 119:55

tuhan e, diyok ngon kep Na bidikrau kep Ade nicukti nya mem mpia mmun.

MAZMUR 134:2

Ma jisu jinda ndam Ninsi Di Kwes-Kwau bijinggei sut tuhan!

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

MAZMUR 142:2

Diba nadi bahara bak tuhan. Diba dihyet di nindig bahara Noni kwei bimpu da.

MAZMUR 142:3

Dinso-nso nyen ei Noho bei bidipai sut mun di buhun tak da hagom bak.

MAZMUR 28:2

Amiap kep dihyet mpe dino dahara Nani mem gima ampu da ba, mpe dino disu dinda tug hon nadi ndam Ade Ig di kwes-kwau niyati cem.

MAZMUR 42:3

Allah di niyaijo e, diyok dingon mem Na. Apig bu leu api mibon nituti mem da leu binhyepo dihwou kuk da biNa ei Ade Ig i?

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 42:8

Mun di buhun cut igkep da dem kep nok minyei di su kin minyei ninyei di biam kwei leu Nungug Hermon kin Nungug Mizar bicom Yordan nyai.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

MAZMUR 63:4

Angon ngakei dati di ug hon nohonti bi dima ne kei bibor kei dor njiriek niyaijoti. Gima rino midinggei sut Nani.

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

YESAYA 51:20

Ade timiei nya ide nisindemti ngwig leu yok bitti bibong ser bikwop puig nuhuisi hagom. Idem kep rusa di biam bon pimo. tuhan niggati cut bihwen yok ba, itug ndei Allah nikon nihyet kep yokti tu.

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 9:20

Lene dipai “Je di sop nya jahagom e, ma jimiap kep tuhan nihyet. Ma jingginau jipmisop bat nya leu binhyepo ipim ba, ibikiek nimai igkei. Ma jipingok jisut bat nya ingonti leu binhyepo ingon ngguk bibor ba, ipim bibikiek nimai igkei.

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

YEHEZKIEL 5:16

Dicok tut njita ade di atin ei nya hagom leu ba, disindui sut ade timiei nya bimai inggum. Yoni mitug ndei ningon di dut tut ninggumti ba, gima dem kep tibor nggwen di tibim yokti di bindei sar yok.

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.

MATIUS 14:25

Son dideu ha yausi rino Yesus ug ngat yok bimbut nimig ei minyei ngwa dip.

MARKUS 1:35

Njap di hyep bu lene Yesus kiju mem hayausi leu api hei leu ig bei buug ndam mpia nintiti leu binhyepo ngat nadi biNongkom.

MARKUS 13:35

Gima rino ma jiyai ngkiem lewo jikan tut jam dino ig ceu nikwei hanyenti bi. Mpaba mikwei mem mmunti e, he mmun mau e, he hayausi e, he mpia nipriti e? Ikan tut bi.

LUKAS 6:12

Mpe dima lene Yesus kui bigwam ei mbigdip gom leu binhyepo huk nadi bak Allah kikau binjap kep.

TIMOTIUS GI NIGOM 2:8

Dijoi sut gino pinai nya bidem minu hagom iba ingon di kwes bingat nadi. Tirigi ingat nadi lene ma ingon sibui sut yam ba, iba ighyet bidahat yam cem au.

NIJAM NIKEI NYA 7:19

Lene Gideon kin nide limwa nya ibou sratus gom imbris nyahan bijuk ug ei prak meng pima ninghas him mem mmun mau niabiati yo di igya ser nya iluei yamti. Lene Gideon nya yahagom imiep pun mbrei kros ba, ibindei ki ide dibijig binnir-wap.

SAMUEL GI NIGOM 1:15

Lene Hana buhup “Andigpoi e, ba anggur ningei pu da bi lewo didut hi bi. Noro dingon bos-bos nyen ba, dingon buhun bibor cem. Dingat nadi bidipui sut mun di buhun bibor di cut igkep da hagom bak tuhan.

SAMUEL GI NIGOM 7:6

Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)