NIBWOS-BWOS NYENTI 2:17 - ALLAH NIHYET MEM TUNGWATU NYA

¹⁷ tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

NIBWOS-BWOS NYENTI 2:17 Iomraidhean Croise

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

MAZMUR 35:24

Ditde tuhan Allah e, ambrap gau da lewo angon sren-srau. Ma asindui sut ba, ditde siceu nya ingon kei kep dani au.

MAZMUR 35:26

Handei kon ba, yo di ingon kei kep da drek dip dinghuisi weisi nya ingon tai-tai bou ba, igwam nimmaiti ug. Handei kon ba, yo di ipai sut yonti bipia ikei-kau dor njiriek da pima cem igwam nimmaiti ug.

MAZMUR 38:16

Noro ditde tuhan Allah e, diyok dingon mem Na. Nangkom rino ma abuhup dihyet.

MAZMUR 89:42

Yo di imbut nyen di injiriek nya ipos nide ndigban ba, yo di ninttig-tta nya ipa ndip noni.

MAZMUR 89:43

Nani asindui sut ba, nide siceu nya ibindei timek noni apino yahagom ingon llei bibor.

YESAYA 14:29

Mben Filistin e, tom di dikrau mem gima dibibui na dahat tu. Noro ma angon nggan-triot au. Leu gino wou gom mai lene wou di ten bibor dor njiriek gima mikwei ya luei nohoti bu. Wou gom nidunggwei miki leu mindhe naga di yai ninyehei bu.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YEREMIA 40:3

mun dima hagom cut igkep yok tu. Lewo mben ade ibon sisar ba, igibit tuhan nihyet bi.

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

NIBWOS-BWOS NYENTI 2:8

tuhan kos tut ningon kanti bipia suar siceu nya inggek ngug tig di bikrop ttai Sion nya bilus ug o! Noni nai ngug tig nya leu binhyepo bindei timek hagom o! Nogindini ngug tig nya kin ig tentara di jo-jo yam dip nya timek biwer ig kum-kroi tu o!

NIBWOS-BWOS NYENTI 3:43

Ahuk nye ba, ayai nimai binye. Ade nigga biborti yon kep Ade ningondut nyeti.

NIBWOS-BWOS NYENTI 4:11

tuhan kes Nide nigga biborti di cig-cai biyem minu Ndig Sion bijjem sur dihyei njek dip hak ug su o!

YEHEZKIEL 5:11

Dani ne Allah di niyaijo kin tuhan Di Ninyeng Jei Bibor cem rin ba, ditri tut bipia midikes hukum ei na dip. Dikos ser ade sisar bi. Lewo abindei ba, map kui Ditde Ig tug hon ayai munti di kinei bibor nya di bindei ba, diyai ttin ningat tu.

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

YEHEZKIEL 9:10

Gima rino dingondut yok bi. Midikiek mun di ibon bak yo di hiter ndam yonti hanyen.”

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

MIKHA 2:3

Gima rino tuhan pai “Dikos dat bipia midibindei ba, mun di buhun bibor micut igkep je leu api bit bon jingwes ngun kan bi. Ei nijam dima ne mijiba jingon di jei biya-ya nyen bu bi.

ZEFANYA 1:2

tuhan pai “Midibindei sar mun nyeng hagom ei dihyeisi dini bitut

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”