NIBWOS-BWOS NYENTI 2:15 - ALLAH NIHYET MEM TUNGWATU NYA

¹⁵ Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

NIBWOS-BWOS NYENTI 2:15 Iomraidhean Croise

NIBOU NDIG NYA GI NICAN 19:21

Bisimbot dat “Na di Sanherib e, timiei minu ndig Yerusalem ipa ndip nani ba, iba na bikek.

NIBOHON MBEN ISRAEL GI NICAN 7:21

Nogindini tungwatu nya yahagom idigit tut Ig nikuk no bak Dani eisi dini bibor. Noro mpe dima lene bikwop tungwagom-gom di mbut sir ig dini bingat bou niyai him lene mikit nibou leu. Leu api mipai ‘Nggon rino tuhan bibon minu dini kin ig dini nok gima i?’

MAZMUR 109:25

Yo di ingat da ingwes om da ba, ibikit-kit nyen ibou tut da cem.

MAZMUR 22:7

Dinok tungwatu bi noro dinok adihyeisi he. Imang bibor ingwes pri gau da ba, iba ighyet bicig da!

MAZMUR 48:2

tuhan ne No di kei-kau-kei. Nyeni ikon ninyeng bibor ei ide Allah de minu ndig di iwin ei mbigdip di kwes-kwau.

MAZMUR 48:3

Mbigdip di Allah de dima kei-kau ba, ninyeng rino Sion. Nibou ndig di ninyeng jei bibor de minu ndig dima ne biyai tungwatu dihyeisi dini hagom ingon nggei-hi-nggei.

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

MAZMUR 64:8

Noro Allah kri Nide tibor biprindei yok leu api igyai ibok kros.

YESAYA 28:21

tuhan mikiju bikon pran noyam kin gi po kiju ei Nungug Perazim ba, Noni mikon pran noyam kin gi po kon pran ei Mbang Briep Gibeon leu binhyepo bindei ba, ningon kanti pek kep. Ningon kanti dima jo nibreisi mem tungwatu nya bi! Noni mibindei mbut Nide midyai di bindei ninggap leusi.

YESAYA 37:22

tuhan pai “Sanherib e, minu ndig Yerusalem mipa tut nani ba, miba nihyet bicig na cem ri!

YESAYA 64:11

Hum yem tuhan De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

YEREMIA 18:16

Yoni ibimangkrei minu dini bibindei ba, tungwatu nya igyai ngkek ttin ser ba, ingon mpo tut. Yo di injiriek mpia dini mikit ibou leu ba, minga leu sut lewo ingon buhun tut.

YEREMIA 19:8

Mun di buhun bibor di dikes ei minu dini dip mibindei ba, yo di injiriek mpia dini mikit ibou leu binga leu sut cem.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 29:18

Midiba pran kin ninggum kin nsuwer ajar buhuk-huk nyen yok. Apino timiei minu ngot di itou kep mun di cut igkep timiei Yehuda nya ingon ttin bibor drek dip. Tungwatu nya bidem minu di dibindei ntek gimahap yok ug eisi nya igyai ttin ba, ittin tut mun di itou kep nya. Yoni mporo iba ighyet bicig timiei Yehuda nya lene iba inyeng bisigion yam cem.

YEREMIA 48:27

Nipou yo ne minu Moab pa ndip mben Israel bi e? Minu Moab bibon mben Israel dem kep nok gi ikat no di bit yo di inggimang nya pimo bi e?

YEREMIA 51:37

Minu dima miwer ig kum kroi ba, nok mpia di nsien bigbehei nya iku yo eisi. Tirigi tungwatu ingat gima lene igyai ttin ba, hi di joi sut bong ei mpia dima bi.

NIBWOS-BWOS NYENTI 1:21

Na di tuhan o! Angig atingou mem dinso-nso nyenti leu hi di gwam ser dingon bi o! Siceu di ihwen da nya ingon kei kep da tut gino abindei da di duum mun di buhun o! Abindei ba, njap di apreu ei pima kwei su o! Gima rino ma abindei siceu cem bigyai niwei nidut noyam kin da ug o!

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

NIBWOS-BWOS NYENTI 2:16

Ade siceu nya di ibindei timek na iba ingon di kinei sut na bitou kep aimasi ba, ibipa ndip na leu api yuhumpo bit na o! Ipai “Nibindei sar minu ndig dima tu o! Nijam di ibet ingon mem bijo ninno tu dima tau kep nye tu o!” Lene nok.

NIBWOS-BWOS NYENTI 2:6

Noni bindei timek Nide Ig di nok mpia di mem Nide limwa nya idem yam mem gima ikuk yok biNoni eisi o! Lene bindei ba, tungwatu ibbwe ser Njap Nigwam Kep Ninghuisi kin njap nindig nya o! Lewo tuhan gga bibor ba, rok imam nya kin nibou ndig ei su o!

YEHEZKIEL 16:13

Aba mas kin perak bimau na ba, ajuk sinsun di iba minghas linen kin minghas sutra bibien he. Lene ayem roti di iba tepun di kei bibor kei bikang kin ahwei lon kin mini zaitun. Ade nuubbuti bibor he ba, awer na nok nibou ndig nitnem hi ri.

YEHEZKIEL 16:14

Ngkiai nya yahagom ikon anyeng tut ade nuubbuti di ubbu ngat dima. Lewo Dani rino dibindei di anok sop ubbu ngat. Da di tuhan Di Dinyeng Jei Bibor disimbot dat tu.

YEHEZKIEL 23:32

tuhan Di Ninyeng Jei Bibor pai “Suar apinde mun di jo ei akindig nide mok nsi hak. Mok dima nindig ba, jut cem. Mok nsi dima mpung tut tungwatu nya yahagom ide niba nihyet bicig nati kin nipa tut nati ba, suar abiang nibuhunti.

YEHEZKIEL 25:6

tuhan Di Ninyeng Jei Bibor pai “Ma jibien-bien nyen ba, jittem-ttem nyen jinda lene jibiyai nillei. Ba, jingon kei kep minu Israel.

YEHEZKIEL 5:15

Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

NAHUM 3:19

Bit bon hi yok obat kep abokti nya leu api abokti mijut hanyen kan bi sren. Yo di imiap tut atimekti yahagom mittem inda bingon kei kep na drek dip tungwatu nya di igyai ninghuisi wei tug hon ade nimbukti di ug hon nohonti bi dima tu.

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.

MATIUS 27:39

Yo di injiriek mpia ttou nsi dima ighyet wer mpiahi tut Yesus ba, ikit-kit nyen ibou leu Noni.

MARKUS 15:29

Yo di injiriek mpia ttou nsi dima iba ighyet bicig Yesus leu api ikit-kit nyen ibou leu Noni bipai “Na po apai bipia alet Tuhan De Ig leu api angot hanyen ei njap ningai pima rin e?