NIBWOS-BWOS NYENTI 2:14 - ALLAH NIHYET MEM TUNGWATU NYA

¹⁴ Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

NIBWOS-BWOS NYENTI 2:14 Iomraidhean Croise

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

YEREMIA 20:6

Pasyhur e, siceu nya mikat nani kin ade bat nya cem jahagom ug ei minu Babel. Nani kin asut bat nya di aris kep mun biyok ninno tu jahagom mijiyaijo ngwig hon leu api mitig je ei jingkiaisi.’ ”

YEREMIA 23:22

Gino ikan tut mimun di jo ei dibou ngwakti nya ne suar itri tut dihyet bak Ditde limwa nya bibindei ba, ittin ser ide sisar di kinei kin igyai munti di mbuk bibor. Noro bi.

YEREMIA 23:36

Gima rino ma yoni indat kep ‘tuhan buhun tak nye’ bu au. Leu gino hi ndat kep gima hanyen bu lene midibindei ba, dihyet mibuhun tak noni nijit-jau a. Yo di indat kep ‘tuhan buhun tak nye’ ikiek Da Di tuhan Di Diyaijo ba, Di Sindem Bibor cem dihyet bibit leu yonti ingon kanti.

YEREMIA 28:15

Dindat kep nihyet hagom bak Hananya leu api dipai bu “Hananya e, angig atingou mem dihyet! tuhan gipinak na kwei bi. Abindei ba, mben dini yok iba ingon com nihyet nisuglaisi he.

YEREMIA 29:21

tuhan Di Sindem Bibor di Allah Israel tri tut Ahab di Kolaya nipmot kin Zedekia di Maaseya nipmot di itri tut mun nyeng di nijit bi nya bije tug hon tuhan ninyeng. tuhan pai bipia mikes yoni ei Nebukadnezar di nok nibou ndig mem minu Babel ninda nsi ba, noni miyai nimai biyok bou jiyai him.

YEREMIA 37:19

Ade nabi nya di ipai bina bipia nibou ndig minu Babel mikon pran bit na di Andigpoi kin minu dini bu bi sren nya yuug ei siritou i?

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

NIBWOS-BWOS NYENTI 4:13

Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

YEHEZKIEL 23:36

Lene tuhan pai bida, “Na di tungwatu di ayaijo kikau bi e, atin ei mem gima ambus Ohola kin Oholiba ingonti tu e? Apai kep yok tut mun di kinei bibor di ibon tu nya.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

ZEFANYA 3:4

Nabi nya igita ibou ei ide midyai nyati bi ba, tungwatu nya iba ingon com yok cem bi. Imam nya ibindei ba, map kui mun di ikwas pijum ei mem tuhan bikiek-kiek nyen Allah niggai serti nya mem gima bimpu yok tut mun di bon ninyeng mem yonti he.