NIBWOS-BWOS NYENTI 2:1 - ALLAH NIHYET MEM TUNGWATU NYA

¹ tuhan ba niggati biyai nibou tut bibindei ba, nidinditi jun nungug Sion o! Noni com minu Israel ninyeng di jei di kui sur mpia-bbed him ug ei dihyeisi tu o! Njap dima ne tuhan gga bibor bikes Nide Ig ei nungug Sion bijo ei o!

NIBWOS-BWOS NYENTI 2:1 Iomraidhean Croise

SAMUEL GI NICAN 1:19

“Je di mben Israel e, ide pinjoi pilei di mimbri kui ingkek di ikon pran kan kin ide nibou pran nya icut bimai ei nungug him dinyo ug tu.

NIBOHON MBEN ISRAEL GI NIGOM 28:2

Daud kiju biya yoho bei lene pai biyok “Disut bat je di jintun mben gom him e, jingig jitingou mem dihyet dini! Dipi bidingot ig di kei bibor gom mem Brua Gi Preu cem mem ide tuhan Allah su nimig bico niti mimbrek ngan cem tu. Dipi biditin ei nimbumbati hagom mem gima dibingot ig gom nok gumihyep mem gima ibikuk nye bak Noni eisi tu.

MAZMUR 132:7

Nipai cuk yam “Jikwei ba, yuug ei tuhan De Ig ba, ikuk nye ei Nide banggo mbrei nikiou.”

MAZMUR 89:45

Abindei ba, nide nisindemti ug hon nohonti ba, anjei nide banggo mbrei ug ei dihyeiti tu.

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

YESAYA 64:11

Hum yem tuhan De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

YEREMIA 30:14

Jide ningon kieti nya yahagom ibbwe ser je ba, ingon hou ser je tu. Didem kep siceu di cut igkep je bihwen je. Diba Ditde nigga biborti bikes hukum ei jeni dip lewo jide sisar mang bibor ba, jitunggweisi nindig bibor.

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 1:12

“Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!

NIBWOS-BWOS NYENTI 2:17

tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

NIBWOS-BWOS NYENTI 4:11

tuhan kes Nide nigga biborti di cig-cai biyem minu Ndig Sion bijjem sur dihyei njek dip hak ug su o!

YEHEZKIEL 13:13

tuhan Di Ninyeng Jei Bibor pai “Midiba Ditde nigga biborti bikes hou sigau kin biget sigau kin biget di mbras nok tig njep kwei ba, dibihwen ngug tig dima bitimek hak.

YEHEZKIEL 19:12

Noro nigga kep mun cig nya yohom binjei ug ei dihyeisi. Hou mpia priti kuisi bibindei ba, ninjem di ngun-ngau mui hak. Ninda nya dahat bimui leu api indig kep hum.

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

YEHEZKIEL 30:18

Ei nituti dima lene dibicut minu Mesir ninyeng di jei ningwigsi ba, dibiyai nide nisindemti di ningon jei sut leu lene nidinditi minggai kep minu ndig Tahpanhes. Siceu nya mikat timiei sop nya nok awak biyuug sut.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

MATIUS 11:23

Nok gima tut je di timiei minu ndig Kapernaum cem! Jijoi sut jingon di jei kui sur mpia-bbed him e? Noro Allah micom je ug ei hum njengti! Mindur di dibibon mem je pima gino dibibon bak timiei minu ndig Sodom ne minu ndig dima mijo nijoti kikau kwei bipek ammani kep.

LUKAS 10:15

Nok gima tut je di timiei minu ndig Kapernaum cem! Jijoi sut jingon di jei kui sur mpia-bbed him e? Noro Allah micom je ug ei hum njengti!”

LUKAS 10:18

Yesus buhup “Dingat Bilis tirigi noni cut leu gwamti nok kigyei.

SAMUEL GI NIGOM 4:21

Lene noni jem nipmot ninyeng Ikabod bipai “Allah De nikei-kau-keisi pror leu Israel tu.” Nipaisi dini ndo tut Brua Gi Preu di ipos kin nipmang kin nijjep imaisi ri.

SAMUEL GI NIGOM 4:22

Noni pai “Allah De nikei-kau-keisi pror leu Israel tu lewo ide siceu nya ipos Nide Brua Gi Preu bimbut tut tu.”