NIBWOS-BWOS NYENTI 1:21 - ALLAH NIHYET MEM TUNGWATU NYA

²¹ Na di tuhan o! Angig atingou mem dinso-nso nyenti leu hi di gwam ser dingon bi o! Siceu di ihwen da nya ingon kei kep da tut gino abindei da di duum mun di buhun o! Abindei ba, njap di apreu ei pima kwei su o! Gima rino ma abindei siceu cem bigyai niwei nidut noyam kin da ug o!

NIBWOS-BWOS NYENTI 1:21 Iomraidhean Croise

MAZMUR 35:15

Noro mpe dino dingon buhun lene yoni ingon kei drek dip ba, ingwig kep da mem gima ihwen bit da. Iba intig di kibou-kibou yam bimbut nok yo di iba ighyet bicig da.

MAZMUR 37:13

Noro tuhan pa ndip yo di isibut nya lewo Noni kan tut bipia igyaijo ningwig honti dideu su.

MAZMUR 38:16

Noro ditde tuhan Allah e, diyok dingon mem Na. Nangkom rino ma abuhup dihyet.

YESAYA 14:5

tuhan bindei ba, nibou ndig di isibut nya ide nisindemti kin inyeng njeisi kes hon tu.

YESAYA 14:6

Nibou ndig di isibut dima yok iba ide niggati bico kep yo di icut biyok nya ba, ihwen bit yok bijo kikau.

YEREMIA 30:16

Noro tini bu ne midipinde yo di ipinde je yahagom. Ngkiai nya mikat jide siceu nya yahagom bikri yok ug ei ingkiaisi. Midico kep yo di ico kep je bidipos ndigban leu yo di ipos jide ndigban yahagom.

YEREMIA 48:27

Nipou yo ne minu Moab pa ndip mben Israel bi e? Minu Moab bibon mben Israel dem kep nok gi ikat no di bit yo di inggimang nya pimo bi e?

YEREMIA 50:11

tuhan pai “Mben Babel e, jicut igkep Ditde limwa nya bijipos ndigban leu yok. Apino jinggei-hi-nggei bijipri-pri nyen ba, jidem kep kuda di bon nihyet kin sapi di yem kep minta pimo.

YEREMIA 50:15

Jikon jihyet nindig bijihyet sra tut pran ttai minu ndig dima! Nogindini mben Babel ikes yonti ei jinda nsi tu. Siceu nya ihwen ngug tig binjei bitti tu. Dani dibirop hanyen bak mben Babel. Gima rino ma jibibon yok nok gi ibibon nindigsi nya.

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEREMIA 50:31

Mben Babel e, jingon jei bibor! Gima rino Da di tuhan Di Dinyeng Jei Bibor kin tuhan Di Sindem Bibor dihwen je ug a. Tto bou dem mem gima dikes hukum ei jeni dip tu.

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:49

Tungwatu imang bibor bidem dihyeisi dini imai tug hon minu Babel di hwen yok. Noro tini bu ne minu Babel micut drek dip gi ihwen mben Israel di imai su. Da di tuhan disimbot dat tu.”

NIBWOS-BWOS NYENTI 1:16

Gima rino bindei di diyai nggwei kibor didiyam lo, hi di kwei gwam ser dingon ba, yai ningon lleisi bida bi o! Siceu inyeng tak kep ditde timiei nya apino ide mun di imati hagom pror bingwig leu yok o!

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

NIBWOS-BWOS NYENTI 1:22

Ma angig ayai kep ide nibon munti di kinei dima hagom ba, aubon yoni cem noyam kin gi aubon dani drek dip sisar nyeng hagom di dibon tut Nani tu o! Duun-dicot nyen drek dip ditde ninghuisi wei ba, dingon ngguk bidiwer mindhe cem o!”

NIBWOS-BWOS NYENTI 1:4

Hi di kwei ei tuhan De Ig ei njap nindig nya bu bi o! Sop gwam nitta pilei nya di ipai kep doia nya yuum niwei-nidut ei sirima o! Lene imam nya cem inso-nso nyen o! Tungwa hi gwam kui dimbou pmem nuhui nya bu bi lewo ningon nggukti jun kep minu ndig Sion tu o!

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

NIBWOS-BWOS NYENTI 2:16

Ade siceu nya di ibindei timek na iba ingon di kinei sut na bitou kep aimasi ba, ibipa ndip na leu api yuhumpo bit na o! Ipai “Nibindei sar minu ndig dima tu o! Nijam di ibet ingon mem bijo ninno tu dima tau kep nye tu o!” Lene nok.

YEHEZKIEL 26:2

“Na di tungwatu di ayaijo kikau bi e, timiei Tirus nya imbos-hi-mbos ba, ibipai ‘Minu ndig Yerusalem timek tu o! Nide nisindemti nitri-nipek munti cut hak tu o! Noni miba nisindemti bibingon nye bu bi o!’ ”

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

NINGAT-HI-NGAT NYA 18:6

Ma jibibon noni bit leu nok noni bibon je ba, jibirop binoni hanyen mbican bram yam tut niyai munti nya hagom. Ma juhug ningei di mpo-mpam ei nide mokti ba, nimpo-mpamti dor tunggwei ningei di noni hug ei jide mokti.