NIBWOS-BWOS NYENTI 1:20 - ALLAH NIHYET MEM TUNGWATU NYA

²⁰ Na di tuhan o! Angig ayai kep da tut gi dingon bos-bos nyen cem dingon kku da cem dingon mbris cem tut gi dinjiriek cem tut danti diyai mun tunggwei angon kanti nya nipou pima cem o! Siceu igyai nimai bak tungwatu bidem simpak bou hagom ba, itot nindigsi nya ei ig bei nsi bimai su o!

NIBWOS-BWOS NYENTI 1:20 Iomraidhean Croise

AYUB 30:27

Ningon di buhun kin ningon di ngguk bibor bindei ba, dingon a tut danti bidiyai ninghuisi wei bikwop njap ngwa hagom.

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

MAZMUR 22:14

Sapi dima yok yahap iji dem kep nok mindhe singa di yau-yau nyen bittem da.

MAZMUR 38:8

Ningkek dut, dut bidem dingut titut yam ba, dinggwen nindig bibor.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

YESAYA 16:11

Tirigi dingig diyai kep mun di cut igkep minu Moab kin minu ndig Kir-Heres lene dingon hara kot bidingon nnirwap cem tu.

YESAYA 38:14

Sinnam ba, sihyet mbris bisidem kep hakimoi mbrei ba, siduhug-duhug nyen. Siyai nggrop mbris lewo sitou kep kui mpia-bbed him. tuhan e, akwek da leu mun di buhun dini.

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 14:20

tuhan e, nibon sisar tut Nani tu. Gima rino nipai jit nyende sisar kin nidigup bat-digai bat nya cem ide sisar.

YEREMIA 2:35

jipai sut jenti ‘Nyeni ningon ngun. Ningat ne tuhan ningon sibui sut nye bu bi.’ Noro Da di tuhan midikes hukum ei je dip lewo joom ser jide sisar.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 4:19

Dingon buhun bibor! Dingon ngkiem tut niwei bu bi! Dem mem gima doom kep danti bidigwam nyahan bi! Dingon pri ndei dingget ninsi. Lewo dimiap pun mbrei nugwei bong ba, siceu nya ighyet sra tut pran tu.

YEREMIA 48:36

Timiei minu ndig Kir-Heres kin Moab yahagom ide mun di inyeng tut nya hagom sar hak tu. Dingat mun di cut igkep yo dima lene dingon ngguk tut yok dem kep no di ba porei bimiep doia ningon nggukti.

NIBWOS-BWOS NYENTI 1:11

Timiei nya iba ninso-nso nyenti binggok njita o! Iba ide ndigban di nibok kak pima biluei njita ba, iboom inghop leu binhyepo imai inggum bi o! Minu ndig Yerusalem hara nok tungwatu bipai “tuhan e, angat da ba, angig ayai kep da tut ditde ninghuisi wei hagom ug e!”

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 7:15

Pran cut bidem puig hagom ba, nsuwer ajar kin ninggum jo bidem ig hagom. Tungwa tou rino ningat rin ei minu ndig nisai mimai ei pranti. Tungwa tou rino bong ei minu ndig ninsi mimai tug hon nsuwer ajar kin ninggum.

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.