NIBWOS-BWOS NYENTI 1:2 - ALLAH NIHYET MEM TUNGWATU NYA

² Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

NIBWOS-BWOS NYENTI 1:2 Iomraidhean Croise

AYUB 6:15

Noro disut bat jen, bit bon diba dingon com je ba, dibram kui je kan bi. Lewo jinoyam kin mbang tirimpoi di pingge drek dip biget di but bi pimo.

AYUB 7:3

Diyaijo mikui-kausi bikwop bed di bram yam. Dinggwen bibor bikwop mmun di bram yam.

MAZMUR 126:5

Asindui sut ba, yo di iba igyai nggwei kibor bindim njita ngan ei miaisi pima iba nimbos-hi-mbosti bipuk njita ningat di kei hanyen kwei.

MAZMUR 31:11

Diyai munti nya ngwig ei dinghuisi weisi ba, ditde njap cem mbut ei ninso-nso nyenti ba, dilua tut cem. Ditde nibon mun di kinei biborti bindei ba, nisindemti cut-cut nyen leu da bidinjum nya cem binggun.

MAZMUR 6:6

Lewo yo di ibong ei minu nimai nya ide igyok ngon kep Nani bu bi. Hi dima nggei sut Nani ei yo di imai nya idihyei cem bi.

MAZMUR 69:21

Ighyet di tigut da bindei bidingon tuam bicut leu su. Diyok dingon mem tungwatu di mingondut da nya kin yo di migwam ser dingon nya noro hi mpu da bi.

NIPINGOK NINGONTI 19:7

Gino nuhui mbum nide bat nya iba ingha bak noni lene ma anga leu tut gi noni bon nisut bat nya bi au. Mbro nok gino noni brim ningkek bihig nisut bit yok lo, ikou sut.

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEREMIA 2:25

Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 30:14

Jide ningon kieti nya yahagom ibbwe ser je ba, ingon hou ser je tu. Didem kep siceu di cut igkep je bihwen je. Diba Ditde nigga biborti bikes hukum ei jeni dip lewo jide sisar mang bibor ba, jitunggweisi nindig bibor.

YEREMIA 4:30

Je di timiei minu ndig Yerusalem e, tuhan kes je ei su ba, dem mem gima jibon mun nyeng hi bu bi! Nggon rino jijuk sinsun ngwoi bijiba mas kin perak bimau je ba, jiba celak ngwoi bidip jiyai nggrop i? Jimau jenti dima mikui-kausi he. Lewo yo di jiyem njita tut yok ikou sut je ba, ijoi sut gima igyai nimai bije.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

NIBWOS-BWOS NYENTI 1:19

Dijem tentara di itti kin da pima yok lo, yaham imbuk kep da o! Imam nya kin nibou mien nya yahagom inggok njita mem gima igyem bibahati tut igyaisi noro imai kak simpak bidem minu ndig dini tu o!

NIBWOS-BWOS NYENTI 1:21

Na di tuhan o! Angig atingou mem dinso-nso nyenti leu hi di gwam ser dingon bi o! Siceu di ihwen da nya ingon kei kep da tut gino abindei da di duum mun di buhun o! Abindei ba, njap di apreu ei pima kwei su o! Gima rino ma abindei siceu cem bigyai niwei nidut noyam kin da ug o!

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

YEHEZKIEL 16:37

Gima rino midinduk pinai di abou buwei kep yok nya kin ade di angon kinei sut yok nya cem yahagom keyam. Ba, yahagom igya ttai na leu api mijuk sinsun ade nya hagom leu na bitou kep ajo risti.

HOSEA 2:7

Noni muhuk bram pinai di icut tut noni noro bit bon hatap yok kan bi. Noni minggok ser yok noro ngat yok bou niyai him cem bi. Noni mikan ‘Nnaba singkwei bisibong bit sijjep ndig hanyen lewo noni nyohou sa nok gi kei dor njiriek yo di icut tut sa pima yok.’

MIKHA 7:5

Ma jingon jo kep yam hyet au. Ma jiba jingon com jisut nihyet au. Ma jingon sok kep jenti tut mun di tibim ei juhui him bitut mun di tibim ei jitnem bat nya itingou nsi.

NINGAT-HI-NGAT NYA 17:13

Nibou ndig ibou simnai ingon kanti nya hagom noyam ba, ikes ide nisindemti kin inyeng tak kepti bak mindhe di niten-pos.

NINGAT-HI-NGAT NYA 17:16

Nibou nggai simnai di angat kin mindhe di niten-pos ingon mpo tut sundal. Yoni mipos mun di nyeng tut nya hagom bingwig leu noni bibindei ningat ngu lene igyem ninghui leu api indig ningut kep hum bitimek bingwig.