NIBWOS-BWOS NYENTI 1:18 - ALLAH NIHYET MEM TUNGWATU NYA

¹⁸ Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 1:18 Iomraidhean Croise

NIBOU NDIG NYA GI NIGOM 13:21

Lene noni pai kep nabi di kwei leu minu Yehuda “tuhan sindi pai bipia agibit nihyet pima bi. Agiyai mun igbit nicuk na tutti pima bi.

EZRA 9:13

Mbro nok gino nibon sisar ba, nitunggwei sut Ade nicukti cem apino aba mun di buhun bihwen nyeni drek dip tu lo, nikan tut bipia mun di buhun di abihwen nye dima buhun bibor binjiriek leu mun di buhun di suar nuum rin bi. Noro no ateu nye ba, ningwes ngun tu.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:33

Aba angon di sren-srau bibibon nye tirigi akes hukum ei nye di nibon sisar dip. Mbro nok gino nicut ei sisarti lo, angon gom kikau.

MAZMUR 107:11

Gima cut igkep yok drek dip gi yaham imbuk kep Allah Di Sindem Bibor nicuk yokti nya ba, ikou sut nipingok yoti.

MAZMUR 119:137

tuhan e, angon sren-srau ba, Ade nikos tutti nya cem igbit.

MAZMUR 119:75

tuhan e, dikan tut bipia Ade nikos tutti sren-srau kei. Attem da drek dip angon di gom.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

NEHEI LEUSI 9:27

Lene Firaun sok nihyet bak Musa kin Harun bikwei ngat noni lene pai biyok “Dibon sisar tu. tuhan ningon sren lo, dani kin ditde limwa nya nibon mun di tunggwei.

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 4:17

Siceu dima migyon ttai minu ndig Yerusalem noyam kin yo di igya ser ide dihyei hanjop nsi nya. Mun dima yok hagom cut igkep timiei Yehuda nya lewo yaham imbuk kep tuhan tu. tuhan simbot dat tu.

YEREMIA 49:12

Yo di idem mem gima itug ndei hukum bi nya itug ndei hukum tu. Gi nok lene mijitug ndei hukum bi e? Ningat ne jeni cem mijitug ndei hukum!

NIBWOS-BWOS NYENTI 1:12

“Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!

NIBWOS-BWOS NYENTI 3:42

“tuhan e, nibon sisar ba, niba nyende niyai munti bikiek nimig jou tut Na noro agikos ser sisar dima bi.

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

AMOS 8:13

Mpe dima lene pinai pilei kin sop gwam nitta pilei di inghuisi kwes nya mimbris tut inggobiau.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”