NIBWOS-BWOS NYENTI 1:16 - ALLAH NIHYET MEM TUNGWATU NYA

¹⁶ Gima rino bindei di diyai nggwei kibor didiyam lo, hi di kwei gwam ser dingon ba, yai ningon lleisi bida bi o! Siceu inyeng tak kep ditde timiei nya apino ide mun di imati hagom pror bingwig leu yok o!

NIBWOS-BWOS NYENTI 1:16 Iomraidhean Croise

MAZMUR 106:42

Siceu di ihwen bit yok nya ico kep yok ba, yoom yok bicut ei inda behei.

MAZMUR 119:136

Diyai nggwei kibor bijo ninno drek dip tungwatu nya di ibit ahyet bi.

MAZMUR 69:20

Akan tut bipia ditde siceu nya ighyet tigut da ba, inim kep da bico kep dinyeng cem. Angat ditde siceu dima yok tu.

NIBA NINGON SRIP HUKTI 4:1

Leu api diba dingon bisrip huk yo di isindem ei dihyeisi dini nya ide nimbuk tut yo di isindem bi nyati. Yo di isindem nya ico kep yok bibindei ba, ipim lo, hi di mpu yok bi. Tungwahi cem gimpu yok bi. Lewo yo di isindem nya ide nisindemti di nindig om kep yok.

YESAYA 54:11

tuhan pai “Na di minu ndig Yerusalem e, mun di buhun cut igkep na apino asindem bi cem hi gwam ser angon bi cem. Midiprion tig permata di nibok kak bibor nok atriti nya.

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEREMIA 14:17

tuhan cuk da ba, ditri tut dingon di buhun bibor bak Nide limwa nya. Suar dipai biyok, “Nna ba diyai nggwei kibor ug hon nohonti bidikes hon kan bi lewo ditde limwa nya ibok-ba ba, inghuisi wei nindig bibor.

YEREMIA 15:5

tuhan pai “Je di timiei minu ndig Yerusalem e, tou rima ngondut je i? Tou riningon buhun tut mun di cut igkep je i? Tou rima kwei cem kep je bihig ser je tut jiyaijoti i?

YEREMIA 8:18

Ningon di ngguk bindei bidingon bok cem dingon dut cem ba, dem mem gima obat mpu ditde ningon ngguk biborti kan bi.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEREMIA 9:21

Lewo nibon kep nimai cig coi nyende kendera mihyet kwei su ba, tau ug ei nibou ndig de ig tu. Nimai kat munggwom nya kak simpak bou nya bihwen pinai pilei nya ei biyati cem.

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 2:11

Diyai dwoi lewo dipim bidihyet jo kikau ba, dinnei kinei-kinau leu ug o! Dingat timiei nya ei minu di cut dini cem dingat munggwom nya kin ningwoi-ngwoi nya di imai di imbris-bris nyen bidem simpak nya ei minu ndig dini cem apino dingon nem-nnai bingwig o!

NIBWOS-BWOS NYENTI 2:18

Ngug tig ei minu ndig Yerusalem e, ma jahara bak tuhan o! Jipim ba, jiyai nggwei kibor bibiam bidem minyei di biam mem mmun-njap o! Ma jikes jihyet au. Jipim kikau bibou jinghuisi mbris tut ug e o!

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”