NIBWOS-BWOS NYENTI 1:15 - ALLAH NIHYET MEM TUNGWATU NYA

¹⁵ tuhan ngat ditde tentara di mimbri kui ingkek nya nok yo di ibon inyeng bi o! Noni njei tentara ngkiai kwei leu binhyepo bindei ba, ditde pinai pilei nya yahagom isar ningwig o! Noni co kep ditde timiei nya ninyen ba, inem-nnai bidem kep ba anggur ngat di tungwatu nya ikimut o!

NIBWOS-BWOS NYENTI 1:15 Iomraidhean Croise

NIBOU NDIG NYA GI NICAN 9:33

Lene Yehu pai biyok “Jikrau noni bijinjei ug ei dihyeisi.” Leu api injei Izebel leu anai ug ei dihyeisi. Lene Yehu bindei ba, nide kroba pran nimig co kep noni sindem bibindei ba, ninggrom di pio mpia rus ngug tig kin kuda nya di brim kroba pran nya.

MAZMUR 119:118

Akou sut gi ikriek leu Ade nimbrap tutti nya. Igyok ingon gom mem niris ei tungwatu nya dip lo, igyaisi dima mikui-kausi he.

YESAYA 28:18

Mididip tut jide nipreu ei bit nimai kin jide nipreu ei bit minu nimai nya ide cem apino mun di buhun bibor micut igkep je.

YESAYA 41:2

Tou pingok ei nibou ndig di sindem bibor gom ningonti bibuwak noni kwei leu nite bei mpia nipriti i? Tou ribindei ba, noni hwen nide siceu nya bitimek bingwig bidem minu i? Tou risindem tut noni leu binhyepo co kep mben nya bikuk nibou ndig nya ei nimig him i? Noni ba nide simeda bitot yok lene bindei ba, yahagom inok dihyei ndung. Nide tibor nya bindei ba, inang bingwig noyam kin minta mui di bit houa.

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 63:3

“Dangkom ngat dikinyon ei bak di ikimut ba anggur ngat eisi lo, Ditde limwa nya hi kwei mpu Da bi. Diba Ditde nigga biborti bico kep ngkiai nya noyam kin no di co kep ba anggur ngat apino inggrom rus Ditde sinsun hagom bingwoi-ngwau a.

YEREMIA 13:24

Midibindei ba, jintek gimahap noyam kin pas ntam di hou di cut kwei leu iggum ndigsi ninnei miep.

YEREMIA 14:17

tuhan cuk da ba, ditri tut dingon di buhun bibor bak Nide limwa nya. Suar dipai biyok, “Nna ba diyai nggwei kibor ug hon nohonti bidikes hon kan bi lewo ditde limwa nya ibok-ba ba, inghuisi wei nindig bibor.

YEREMIA 18:21

Noro tuhan e, nogindini ma asindui sut yok ba, imunggwom bat nya imai inggum cem itug midut tug hon pran cem pinai nya imai leu itnem bat nya cem munggwom nya imai leu ipmem bat nya cem nsuwer ajar hwen andigpoi nya cem pinai pilei nya ikon pran apino igyai nimai cem hak ug.

YEREMIA 37:10

Mbro nok gino ahwen tentara Babel yahagom bingwig lene gi hi di imai bigyo ibok-ba bibong kep inghuisi ei ide prak meng yati nya lo, yo dima migyai nisindem bikiju hanyen bindig jide minu dini bitimek bingwig.’ ”

YEREMIA 50:26

Siceu jen e, ma jicoi bijihwen mben Babel leu nima kwei-nima kwei ba, jinggek nide ig gudan di inju gandum eisi nya! Jicat ndigban di jipos nya keyam bikui sur mpia noyam kin gi jinju gandum keyam di kui sur mpia pimo! Jibindei sar minu dima! Ma jibet bihi biniken jo ei au!

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!

NIBWOS-BWOS NYENTI 3:34

Tirigi siceu nya ibindei ba, nyeni ingon buhun ei isimati cem,

DANIEL 3:13

Tirigi nibou ndig miap ighyet nok rino noni gga nindig bibor leu api cuk yo di igya ser nya bikri ibou ningai dima kwei bigya ei noho bei.

YOEL 3:13

Ngkiai dima yok imbuk bibor. Ma akos yok dem kep nok no di kos gandum di len tu. Ma akimut yok noyam kin no di kimut ba anggur ngat ei mun di ibikimut ningei eisi di ut bipias hagau.

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

MALEAKHI 4:3

Mijinjei yo di imbuk nya bingwig mem njap di Danti dikos tut ei mem yok tu apino inok dihyei ndung di jico-co nyen kep.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

NINDAT KEP TUHAN NICUKTI NYA 28:33

Ngkiai nya mikwei mbrai jide njita ngat di jicom jahanggwap tut bibor nya lene jenti mijitug ndei mun nyeng hi bi. Gi jitug ndei rino nico kep je ninghig-niker kin niba nisibut biyai je cem.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

NIJAM NIKEI NYA 10:8

Mben cin dini ico kep mben Israel di ibong ei Gilead ei mben Amori ide dihyei hanjop nsi ei Minyei Yordan nite bei mpia nipriti kikau mem nijam ari bingwam simnaimuhwidip brimigtehiningai. Iba isibut bico kep yok.