NIBWOS-BWOS NYENTI 1:14 - ALLAH NIHYET MEM TUNGWATU NYA

¹⁴ Noni mbus ditde sisar nya hagom keyam leu api ngot kin yam binok gom lene ba gima bisrou dikimam apino gima buhun tak da di dinghuisi jet tut o! tuhan kes da ei siceu nya indati apino bit bon dibindei timek yok kan bi o!

NIBWOS-BWOS NYENTI 1:14 Iomraidhean Croise

NIPINGOK NINGONTI 5:22

Yo di isibut ide sisar di ibon nya dem kep bon di srou yonti hanyen.

YESAYA 14:25

Midibindei sar mben Asyur di ingat rin ei Ditde minu Israel. Lene midico kep yo di ingat rin ei Ditde nungug nya nyen-nyen. Midikwek Ditde limwa nya leu yo di ico kep yok nya inda nsi kin mun di buhun di mben Asyur ibidip huk yok di ibiang cem.

YESAYA 47:6

Nipou yo ne digga Ditde limwa nya leu api duubon yok nok Ditde limwa nya bi. Apino dikes yok ei andati ug a. Leu api agingondut yok bi ba, aco kep ndigpoi koi nya kinei-kinau.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 27:12

Da di Yeremia ditri tut nihyet dima yok hagom bak Zedekia di nok nibou ndig mem minu Yehuda cem bidipai bak “Ma akes nanti ei nibou ndig minu Babel nindati hak ug ba, anok awak mem noni kin nide limwa nya apino na di nibou ndig angwes ngun.

YEREMIA 27:8

Gino ngkiai nya hi kin nibou ndig hi miyoom yok bak Nebukadnezar bi lene midiba pran kin ninggum kin nsuwer ajar bikes hukum ei yok dip kikau bibou mben dima yoom yok bak ug e.

YEREMIA 28:13

duug ngat Hananya bidipai bak bipia Tuhan pai “Mbro nok gino adahat biei koisi dima lo, midiba ngkimom nitu biluei bu.

YEREMIA 28:14

tuhan Di Sindem Bibor di Allah Israel pai bipia Noni miba ngkimom nitu nikoisi bisrou ngkiai nya dini hagom inggibi dip apino yoom yok binok awak mem Nebukadnezar di nok nibou ndig mem minu Babel. tuhan pai bipia mindhe-ndhe di niten-pos nya cem mikuk yok bak Nebukadnezar ba, ninyeng tak kep yok.”

YEREMIA 32:3

Noni pai kep da drek dip gi dipai hak ei imang bibor yoho bei bipia tuhan pai “Midisindui sut nibou ndig minu Babel ba, noni mibindei timek minu ndig dini leu ba, yai biyati,

YEREMIA 32:5

Apino noni mikri Zedekia ug ei minu Babel. Zedekia mibong ei mpia dima bibou dikes hukum ei noni dip ug e. Mbro nok gino noni kon pran bit tentara Babel nya lo, noni mibindei timek yok kan bi. Da di tuhan disimbot dat tu.”

YEREMIA 37:17

Njap poi ser lene Nibou Ndig Zedekia hig da kwei ei nide ig leu api hig ser da nyahan “tuhan sok nihyet gom-gom kin bu ei nani dip e?” Lene dice bidipai “I, jei bi ne acut ei nibou ndig minu Babel nindati ri.”

YEHEZKIEL 11:9

Midibuwak je leu minu ndig dini bidikes je bak ngkiai nya lewo dijem nimai gau je tu.

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.

YEHEZKIEL 23:28

tuhan Di Ninyeng Jei Bibor pai “Midikes na ei yo di angon kou ningat yok di angon kinei sut yok dima indati.

YEHEZKIEL 25:4

Gima rino disindui sut yok di keret di ibong ei iggum ndigsi ei nite bei mpia nipriti ibindei timek yok ug a. Keret dima miyohok ide prak meng yati nya ei minu Amon bibong timiei eisi. Yoni migyem timiei Amon ide biei ngat nya ba, midut ide mindhe-ndhe nimuhup tu nya ido ngei.

YEHEZKIEL 25:7

Gima rino midikes je ei mben hiter imang bibor inda nsi. Yo dima mipos ndigban jide nya ba, ibiyai hagom ningwig leu je. Midibindei sar je bibor leu ba, mijiwer je mben gom bi ba, mijima minu hi bou je nok jide cem bi. Leu api jingon hukti tut bipia Dani ne tuhan ri.”

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

MIKHA 2:3

Gima rino tuhan pai “Dikos dat bipia midibindei ba, mun di buhun bibor micut igkep je leu api bit bon jingwes ngun kan bi. Ei nijam dima ne mijiba jingon di jei biya-ya nyen bu bi.

NINDAT KEP TUHAN NICUKTI NYA 28:48

Gima rino suar jikuk je bak siceu di tuhan mipinak yok kwei mem gima ihwen bit je. Mijicut ei ninggumti kin ninggobiauti kin ninda ngwakti cem ba, juhui mbum nindig bibor. tuhan mico kep jeni sindem kikau ba, jibisar.